Ֆրանսիայի Սենատը Ադրբեջանի նկատմամբ «պատժամիջոցային սուր» է մերկացրել
ՎԵՐԼՈՒԾՈՒԹՅՈՒՆՆԵՐ
Trmzk.ru–ն գրում է, որ Ֆրանսիայի Սենատը ընդունել հայ-ադրբեջանական հակամարտության վերաբերյալ նոր բանաձև, որը կոչ է անում նախագահ Էմանուել Մակրոնի կառավարությանը պատժամիջոցներ կիրառել Ադրբեջանի դեմ կապված սեպտեմբերին Հայաստանի վրա հարձակման հետ։
Փաստաթուղթը նաև կոչ է անում Բաքվին դուրս բերել իր ուժերը հայկական տարածքից և երաշխավորել Լաչինի միջանցքի կարգավիճակի անփոփոխությունը, որը կապում է Հայաստանը Լեռնային Ղարաբաղի հետ և որի ներկայիս կարգավիճակը ամրագրված է Ռուսաստանի, Հայաստանի և Ադրբեջանի ղեկավարների 2020 թվականի նոյեմբերի 9-ի եռակողմ հայտարարության մեջ։ «Մենք կոչ ենք անում (Ֆրանսիայի) կառավարությանը եվրոպական դաշնակիցների հետ միասին ձեռնարկել ադրբեջանական նոր հարձակումներին ամենաուժեղ և համարժեք պատասխանի միջոցներ, այդ թվում Ադրբեջանի առաջնորդների (քաղաքական) ունեցվածքի բռնագրավումը»,- ասվում է փաստաթղթում։
Հինգերորդ Հանրապետության խորհրդարանի վերին պալատի բանաձևով դիմել է երկրի կառավարությանը քննարկելու Լեռնային Ղարաբաղում մարդասիրական գրասենյակ ստեղծելու հարցը, ինչպես նաև Ֆրանսիայի աջակցությունը Երևանին ցուցաբերելու խնդրանքը, որը ի թիվս այլ հարցերի, ներառում է Հայաստանի պաշտպանունակության ամրապնդման հարցը։
Փաստաթուղթը խորհրդատվական բնույթ ունի և Ֆրանսիայի կառավարության համար պարտավորեցնող չէ։ Դրա հեղինակները այն նույն սենատորների խումբն են, որոնք երկու տարի առաջ՝ Ղարաբաղում 44-օրյա պատերազմից հետո, օրինագիծ էին ներկայացրել Արցախի անկախությունը ճանաչելու անհրաժեշտության մասին։ Այդ բանաձևը 2020 թվականին րեթե միաձայն էր ընդունվել ՝ 305 կողմ ձայներ 1 դեմի դիմաց, սակայն մնացել էր թղթի վրա։ Ավելին, քննարկումների ժամանակ կառավարության ներկայացուցիչը՝ Ֆրանսիայի փոխարտգործնախարարը, այն ժամանակ իր անհամաձայնությունն էր հայտնել հայտարարելով, որ «միակողմանիորեն ընդունված նման որոշումը չի կարող արդյունավետ լինել Արցախի կարգավիճակի որոշման համար»:
Դեռ պարզ չէ, թե ինչպիսին է Ֆրանսիայի կառավարության դիրքորոշումը ներկայիս բանաձևի վերաբերյալ։ Հայտնի է, որ քննարկումներից մի քանի օր առաջ՝ հանգստյան օրերին, Էմանուել Մակրոնը հեռախոսազրույց է ունեցել իր ադրբեջանցի գործընկեր Իլհամ Ալիևի հետ։ Զրույցը կայացել է ֆրանսիական կողմի նախաձեռնությամբ, և, ինչպես հայտնում են Ելիսեյան պալատից Հինգերորդ Հանրապետության ղեկավարը հաստատել է Փարիզի պատրաստակամությունը աջակցելու հայ-ադրբեջանական հակամարտության կարգավորմանը քաղաքական լուծման հասնելու ուղղությամբ։ Ադրբեջանի նախագահն իր հերթին ընդգծել է այդ գործընթացում «չեզոքություն, անաչառություն և հավասարակշռված մոտեցում ցուցաբերելու» անհրաժեշտությունը։
Իսկ ավելի վաղ Եվրոպայում ադրբեջանական համայնքի ներկայացուցիչները բողոքի ցույց էին անցկացրել Ֆրանսիայի Սենատի մոտ։ Նախագահ Իլհամ Ալիևի հրամանով անցյալ ամիս Ֆրանսիայում դեսպան է նշանակվել Ադրբեջանի ԱԳՆ մամուլի ծառայության նախկին ղեկավար Լեյլա Աբդուլաևան։ Դա տեղի է ունեցել Մակրոնի «սադրիչ» հայտարարություններից և Ալիևի կոշտ արձագանքից հետո երկկողմ հարաբերություններում առաջացած լարվածության ֆոնին։
Նյութը հրապարակման պատրաստեց Կամո Խաչիկյանը
