Ռուսաստանը դեղին քարտ է ցույց տալիս Փաշինյանին

Ռուսաստանի երկու ներկայացուցիչներ երեկ միանգամից դեղին քարտ են ցույց տվել հայաստանյան իշխանություններին։

Մոսկվան նախ հաստատել է, որ Ռուսաստանի նախագահ Վլադիմիր Պուտինը հոկտեմբերի վերջին օրերին հանդիպման է կանչել Հայաստանի և Ադրբեջանի ղեկավարներին, նախատեսվում է քննարկել եռակողմ և երկկողմ հարաբերությունների ողւջ օրակարգը։Իսկ Ռուսաստանի ԱԳՆ մամուլի քարտուղար Մարիա Զախարովան մեղադրանքի սլաքները ուղղել է ոչ միայն եվրամիության, այլ նաև Հայաստանի իշխանությունների դեմ։ «Մեզ չեն լարող չանհանգստացնել Հարավային Կովկասում թափ հավաքող մտահոգիչ միտումները, ուր Արևմուտքը փորձում է տեղափոխել Ուկրաինայի վրա փորձարկված առճակատման մեխանիզմները»,- ասել է Զախարովան։

Ըստ Զախարովայի՝ հայ- ռուսական դարավոր կապերի վնասելու համար, տարածաշրջանում Ռուսաստանի քաղաքականությունը վարկաբեկող քայլեր են ձեռնարկվում, սակայն Մոսկվայում վստահ են, որ Երևանին և Մոսկվային գժտեցնելուի այդ փորձերը հաջողությամբ չեն պսակվելու։

Զախարովան ընդգծել է՝ Մոսկվան վճռական է ամրապնդել ռազմավարական դաշնակցությունը և բազմակողմ հարաբերությունները Հայաստանի հետ, որպես օրինակ նշելով, կողմերի միջև զարգանում է երկլխոսությունը ռազմաքաղաքական և ռազմատեխնիկական ուղղություններով, առևտրաշրջանառությունն աճում է աննախադեպ տեմպերով, տասնյակ խոշոր ռուսական ընկերություններ պատրաստ են առաջիկայում ևս ներդրումներ անել Հայաստանի տնտեսությունում։ Զախարովան նաև հայտարարել է, թե անհիմն են մեղադրանքները՝ իբր Մոսկվան չի կատարում Հայաստանի անվտանգության հարցում ստանձնած պարտավորությունները։

Մեղադրանքները Ռուսաստանի ուղղությամբ, հիշեցնենք, ամենաշատը հղել էր հենց գործող վարչախմբի ղեկավար Նիկոլ Փաշինյանը՝ Կառավարության նիստում բառացի հայտարարելով, թե Հայաստանը գումար է փոխանցել, բայց Ռուսաստանը զենք չի տրամադրել։ Ըստ էության, Ռուսաստանի ԱԳՆ այս կոշտ արձագանքը, ինչպես նաև ուկրաինական սցենարների մասին ակնարկները վկայում են, որ Ռուսաստանը պատրաստ է, ընդհուպ մինչև զենքի ուժով պաշտպանել սեփական ներկայությունը Հարավային Կովկասում և թույլ չի տալու Արևմուտքին քիթը խոթել իր սեփական գործերի մեջ։

Հարյուրամյակներով Հարավային Կովկասի տարածաշրջանը եղել և մնում է Ռուսաստանի ազդեցության գոտի և որքան էլ այս պահին ՌԴ-ն թուլացած լինի ուկրաինական պատերազմով, ըստ էության ռազմավարական նշանակություն ունի Հարավային Կովկասի պահպանումը։ Այս հանգամանքը, իհարկե, Հայաստանի իշխանությունները չեն կարողանում հասկանալ և ըմբռնել, որ իրենց վարած քաղաքականությունը կարող է լրջագույն խնդիրներ հարուցել մեր երկրի համար։

Աննա Նադոյան