«Փող՝ հողի դիմաց» ծրագիր»․ Ինչ եղավ եվրամիության 2,6 միլիարդ եվրոյի հետ
ՎԵՐԼՈՒԾՈՒԹՅՈՒՆՆԵՐ
44-օրյա պատերազմում կրած պարտությունից հետո, եվրոպական միությունը Հայաստանին խոստացել էր 2,6 միլիարդ եվրո աջակցություն տալ։Այս գումարը փաշինյանական վարչախմբի համար հերթական մեդիամաիպուլացիաների և գովազդային արշավի առիթ էր դարձել, հանրությանը փորձում էին համոզել, թե եվրամիությունը աջակցելու է ՀՀ տնտեսական զարգացմանը։
Ավելին, իշխանության ներքին օղակներում այդ փողն էին անգամ բաժանել, որոշել, թե ինչ կոռուպցիոն սխեմաներ կարող են իրականացնել, գումարի մի մասը յուրացնելու առումով։Երկար ժամանակ այդ գումարի վերաբերյալ որևէ տեղեկություն չկա։Եվրոպական միության ներկայացուցիչները որևէ կերպ չեն խոսում, ինչպես նաև չեն խոսում Հայաստանի իշխանության տարբեր ներկայացուցիչներ, թեև Կառավարությունը մի շարք նախագծեր էր ծրագրել, թե ինչ ուղղություններով պետք է ծախսի այդ գումարը։
Մեր տեղեկություններով այդ ծրագիրը ոչ թե փակված է, այլ Նիկոլ Փաշինյանի առաջ հստակ պայման են դրվել․ «Այդ գումարները կտրվեն միայն այն դեպքում, եթե Փաշինյանը ստորագրի կապիտուլացիայի փաստաթուղթը, ընդ որում, ոչ թե ռուսական, այլ բացառապես արևմտյան տարբերակով»։ Պրահայում ԵՄ ներկայացուցիչների հետ հանդիպմանը Նիկոլ Փաշինյանը խոսել է այդ գումարի մասին, ասել, թե այդ գումարի տրամադրումը իր դեմքը պարզերես անելու հնարավորություն կլինի, կկարողանա հանրությանը կերցնել իր կտերը։ Եվրապաշտոնյաները միանշանակ ասել են․« Մինչև կոնկրետ ստորագրություն չլինի, նա կարող է մոռանալ այդ գումարի մասի,իսկ ստորագրելու դեպքում գումարը կարող է ոչ թե 2,6 միլիարդ եվրո լինել, այլ հասնել 5 և ավելի միլիարդ եվրոյի։ Գումարների տրամադրումը պայմանավորված է բացառապես Փաշինյանի ստորագրությամբ»։
Այդ փաստաթղթում Հայաստանը ճանաչելու է Ադրբեջանի տարածքային ամբողջականությունը՝ Արցախը ներառյալ, ինչպես նաև Ադրբեջանին է վերադարձվելու անկլավները Վայոց ձորում և Տավուշում։ Փաշինյանն ինքը դեմ չէ «Փող՝ հողի դիմաց» ծրագրով հանձնել տարածքները, ազատվել իր համար գլխացավանք դարձած Արցախի հարցից, նաև հանրությանը կաշառել գումարով՝ փորձելով պահպանել սեփական իշխանությունը։ Արդյո՞ք կհանդուրժի նման վարքը Հայաստանի և Արցախի բնակչությունը, դեռևս վաղ է ասել։
Աննա Նադոյան
