««Երկու պետությունների շահերը համընկնում են». ինչի մասին կարող էին խոսել Պուտինն ու Էրդողանը Աստանայում»
ՎԵՐԼՈՒԾՈՒԹՅՈՒՆՆԵՐ
Ukraina.ru–ն գրում է, որ ժամանակակից պետական զարգացման ինստիտուտի տնօրեն Դմիտրի Սոլոննիկովը վստահ է, որ երկու ղեկավարների՝ Թուրքիայի և Ռուսաստանի, մեկուկես ժամ տևած զրույցը չէր կարող ամբողջությամբ հատկացվել գազի թեմային։ Այն թե Էլ ինչի՞ մասին կարող էին խոսել Պուտինն ու Էրդողանը, Ukraina.ru-ին տված հարցազրույցում պարզաբանել է փորձագետը:
Լրատվամիջոցներից գիտենք, որ բանակցությունների ընթացքում բարձրացվել է Թուրքիայի տարածքով ռուսական հացահատիկի և պարարտանյութերի արտահանման և դրա համար պահեստային հանգույց ստեղծելու թեման, հիշեցրել է փորձագետը։ Երկու նախագահներն էլ նախկինում խոսել են վատ գործող Ստամբուլի հացահատիկի համաձայնագրի մասին: Ամենայն հավանականությամբ, վստահ է Սոլոննիկովը, բարձրացվել է նաև Թուրքիայի հետ համատեղ նոր ատոմակայաններ կառուցելու թեման, քանի որ Աքքույու ատոմակայանի կառուցման նախագիծը գրեթե ավարտված է։
«Մեկ այլ կետ, որը, իմ կարծիքով, շոշափվել է միջոցառմանը, դա Հարավային Կովկասում տիրող իրավիճակն է և Էմանուել Մակրոնի այն հայտարարության շուրջ աղմուկը, թե Ռուսաստանը հակամարտություն է հրահրում Ադրբեջանին աջակցելով։ Ստացվում է, որ Անկարան և Մոսկվան բռնել են Ադրբեջանի կողմը, իսկ Ֆրանսիան և ԱՄՆ-ն ցանկանում են խոսել ՀԱՊԿ անդամ Հայաստանի անունից»,- ասել է Սոլոննիկովը։ Սոլոննիկովը միաժամանակ նշել է, որ շատ քաղաքագետներ այն կարծիքին են, որ այսօրվա Հայաստանը վաղը Ուկրաինա է լինելու։ Անշուշտ, Հարավային Կովկասի հարցը կարևոր է թե՛ Ռուսաստանի, թե՛ Թուրքիայի համար, ուստի երկրները քննարկելու բան ունեն այդ հարցով, վստահություն է հայտնել նա։
Բացի այդ, Պուտինն ու Էրդողանը կարող էին խոսել Սիրիայի մասին, որը ավանդական թեմա է, և որտեղ երկու պետությունների շահերը համընկնում են, ավելացրել է փորձագետը։
Նյութը հրապարակման պատրաստեց Կամո Խաչիկյանը
