Նոր հարված՝ սպառողի գրպանին. ում շահերն է պաշտպանում Գարեգին Բաղրամյանը

Դեռ 2018թ. խորհրդարանական ընտրությունների նախաշեմին Նիկոլ Փաշինյանը հավաստիացնում էր, որ ջրի սակագինը մինչև 2024թ. չի փոխվելու։

««Վեոլիա ջուր» ընկերության և Հայաստանի կառավարության միջև կնքված նախկին պայմանագրով դեկտեմբերին խմելու ջուրը պետք է թանկանար 11 դրամով։ Եվ մենք` կառավարությունը, այս ընթացքում բանակցեցինք «Վեոլիա ջրի» հետ և պայմանավորվեցինք, որ մինչև 2024թ. Հայաստանում խմելու ջրի թանկացում տեղի չի ունենալու։ Սա «Վեոլիա ջուր» ընկերության և մեր կառավարության արդյունավետ համագործակցության առաջին լուրջ օրինակն է»,- ասում էր Նիկոլ Փաշինյանը։

Բայց, ինչպես տեսնում ենք, այդպես չեղավ. ի հեճուկս Նիկոլ Փաշինյանի հավաստիացումների՝ «Վեոլիա ջուրը» այս տարվա հունվարի 1-ից սակագները բարձրացնելու, այն էլ՝ կտրուկ բարձրացնելու հայտ էր ներկայացրել։ Առաջարկվում է ջրի գինը 180-ից դարձնել 223 դրամ։ Հայտը, իհարկե, բավարարվեց ՀԾԿՀ նախագահ Գարեգին Բաղրամյանի կողմից:

Դրանից հետո Հայաստանի հպարտ քաղաքացիներին համոզում էին, որ հաջորդ 10 տարիների ընթացքում ունենալու ենք կայուն գնային քաղաքականություն, ասել է թե՝ ջրի սակագինը այլևս չի բարձրացվի: Բայց, արի ու տես որ Վեոլիան կրկին սակագինը բարձրացնելու հայտ է ներկայացնում, իսկ ՀԾԿՀ նախագահ Բաղրամյանը իր հրապարակային հայտարարություններում չի հերքում, որ հայտը կարող է բավարարվել, նա միայն հանգստացնում է քաղաքացիներին, որ այդ տարբերությունը կարող է սուբսիդավորել պետությունը: Սակայն, ինչ տարբերություն, չէ" որ դա էլ արվելու է բյուջեի հաշվին, ասել է թե՝ քաղաքացիների գրպանից:

Հետաքրքիր է` դեռ որքան են պատրաստվում բնակչությանը մանիպուլացնել և խաբել ՀԾԿՀ-ն ու Փաշինյանը` ինչ-ինչ կարճաժամկետ դիվիդենտներ ստանալու համար, և շատ լուրջ հարց  է առաջանում՝ ում շահերն են ի վերջո պաշտպանում քաղաքացիների գրպանից սնվող ՀԾԿՀ-ում...