Ծանոթ ու միարժամանակ անհայտ…Պերեգրինի մարգարիտ
ՄՇԱԿՈՒՅԹ
Պերեգրինի մարգարիտը հայտնի է իր ռոմանտիկ պատմություններով: Այնպես է ստացվել, որ այն գտած ստրուկը ստացել է ազատություն, որի մասին անգամ չէր կարող երազել: Այդ մարգարիտի ներկայությամբ թագավորական դիմանկարները հաճախ ավելի շատ են, քան հենց թագավորների դիմանկարները: Մարգարիտի պատմությունը սկսվել է տասնվեցերորդ դարի կեսերին Պանամայի ծոցում: Այդ ժամանակ Ադամանյան կղզիներից մի սև ստրուկի բախտը բերել է, և նա գտել է անսովոր մարգարիտով մի խեցի: Ստրուկի տերերը տեսնելով գտնված մարգարիտը քիչ է մնացել ուշաթափվեն, նման գեղեցիկ մարգարիտ նրանք չէին տեսել: Մարգարիտը ունեցել է կանոնավոր տանձի ձև, գույնը կաթնային՝ գրեթե թափանցիկ:
Ըստ լեգենդի նման նրբագեղ մարգարիտ ձեռք բերելու կապակցությամբ տերեըը ստրուկին ազատություն են շնորհել: Իսպանական թագավոր Ֆիլիպ Երկրորդը ստացել է այդ մարգարիտը որպես նվեր Դոն Դիեգո Թեմեսի կողմից: Դա եղել է իսկապես թագավորական նվեր: Շուտով թագավորը այն նվիրել է իր հարսնացուին՝ Մերի Թուդորին, որը հետագայում դարձել է Անգլիայի և Իսպանիայի թագուհի: Կան Մերիին պատկերող դիմանկարներ (նա նույն Արյունոտ Մերին է), որտեղ շքեղ մարգարիտը կախված է նրա կրծքին: Մերիի մահից հետո մարգարիտը դարձել է իսպանական թագի սեփականություն և վերադարձվել է իսպանական գանձարան: Դրանից հետո ավանդույթի համաձայն, տանձի տեսքով մարգարիտը պետք է պատկերված լիներ իսպանական բոլոր թագուհիների հանդիսավոր դիմանկարների վրա: Հաբսբուրգների դինաստից տանձի տեսքով գեղեցկուհին անցել է իսպանական Բորբոնսների դինաստիային: 1808 թվականը նշանավորվել է Իսպանիայի նոր թագավոր Ժոզեֆ Բոնապարտի գալուստով, որը Նապոլեոնի ավագ եղբայրն է: Հինգ տարի մնալով իշխանության մեջ նա փախել է երկրից հասցնելով մարգարիտը նվիրել Հորթենզիային, որը Նապոլեոնի կրտսեր եղբոր ՝ Լուիի կինն է: Այդ պահից սկսած էլ հենց մարգարիտը սկսել է կոչվել Պերեգրինի, որը նշանակում է «թափառաշրջիկ»: Հետագայում մարգարիտի ժառանգ է դարձել Նապոլեոն 3-րդ Ֆրանսիայի կայսրը: Բայց նա փողի պակասի պատճառով ստիպված վաճառել է այն: Պերեգրինայի նոր սեփականատերն է դարձել մարկիզ Աբբերոնը, կամ ավելի ճիշտ նրա կինը` Լուիզա Ռասելը: Մարգարիտը երկու անգամ կորել է վերջինիս մոտ գտնվել, ուղղակի այն պատճառով, որ մարքիզուհին շատ էր սիրում այն և չէր բաժանվում նրանից: Բանն այն է, որ մարգարիտը շատ մեծ էր, իսկ շրջանակը չէր համապատասխանում դրան: Ի վերջո, ստիպված մարգարիտի մեջ անցք է արվել, և այն կցել ընտանեկան վզնոցին: Այնպես է պատահել, որ Պերեգրինի մարգարիտը սկսելով իր ճանապարհորդությունը Ամերիկայից եղել է Իսպանիայում, ապա Անգլիայում, այնուհետև նորից վերադարձել է իսպանական երկրներ, եղել Ֆրանսիայում, ապա կրկին վերադարձել Անգլիա: Շրջելով չորս դար, նա լիովին արդարացրել է իր «թափառաշրջիկ» անվանումը: 20-րդ դարում Պերեգրինի մարգարիտը հասել է ԱՄՆ-ի Լոս Անջելես: 1969 թվականին Սոտբիսի աճուրդում մարգարիտը վաճառվել է 37 հազար դոլարով, իսկ գնորդը՝ բրիտանացի դերասան Ռիչարդ Բարթոնը այն նվիրել է իր հայտնի կնոջը ` Էլիզաբեթ Թեյլորին: Դերասանուհին մի անգամ քիչ է մնացել կորցնի մարգարիտը, երբ նրա սիրելի շնիկը փորձել է կրծել այն: Այդ դեպքից հետո Էլիզաբեթը որոշել է անել այնպես, ինչպես արել էր Լուիզա Ռասելը: Նա մարգարիտը մտցրել է վզնոցի մեջ: վզնոցը ստեղծել է Ֆրանսիայում հանրահայտ Cartier ոսկերչական ընկերությունը: Արդեն Թեյլորի մահից հետո՝ 2011 թվականին այդ վզնոցը աճուրդի է հանվել Քրիստիի աճուրդային տան կողմից, որտեղ էլ վաճառվել է 11,8 միլիոն դոլարով: Այդ իրադարձությունից հետո պարզ է դարձել, որ Պերեգրինի մարգարիտը հանդիսանում է աշխարհի ամենաթանկ մարգարիտը:
Նյութը հրապարակման պատրաստեց Կամո Խաչիկյանը
