Արարատ Միրզոյանն անտանելի մթնոլորտ է ստեղծել ԱԳՆ-ում

Հայաստանի Արտգործնախարարությունոմ ստեղծված իրավիճակը կարելի է բնորոշել ընդամենը մեկ բառով՝ թունավոր։ Արտգործնախարար Արարատ Միրզոյանը ընդհանրապես դադարեցրել է շփումները սեփական աշխատակազմի հետ և իր տեղակալների հետ անգամ հարաբերվում է խորհրդականների միջոցով։

 

Ասում են՝ Միրզոյանը խախտել է նախարարությունում տարիներ շարունակ ընդունված ճաշարանում միասին հաց ուտելու ավանդույթը  ու այլևս միայնակ է գնում ճաշարան, որտեղ նրա համար առանձին փակ հատված են առանձնացրել։

 

ԱԳՆ-ում ընդհանրապես տարակուսած են Արարատ Միրզոյանի վարքից. արտաքին քաղաքականությանը վերաբերող հարցեր նա բացարձակապես չի քննարկում ԱԳՆ անձնակազմի, նույնիսկ իր տեղակալների հետ։ Վերջիններիս գրավոր կամ «մեսսինջերներով» հանձնարարություններ է տալիս, իսկ ինքն օրեր շարունակ փակվում է ԱԳՆ շենքի իր աշխատասենյակում։

 

Տեղեկություններ կան, որ Արարատ Միրզոյանը նույն կերպ իրեն պահում է նաև «Քաղաքացիական պայմանագրի» իր գործընկերների հետ։ Ամիսներ շարունակ չի շփվել վարչության անդամների հետ, որի կազմի անդամ է դեռևս։ Նշենք, որ սեպտեմբերին կայանալիք վարչության նիստում նրա թեկնածությունն անգամ չի էլ առաջադրվել։ Պատճառն այն է, որ ոչ թե Արարատ Միրզոյանը չի ցանկացել, այլ պարզապես «Քաղպայմանագրի» պատգամավորները, պաշտոնյաները հստակ հասկացրել են, որ նվազագույն քվեներ է ստանալու իր պահվածքի պատճառով։

 

«Քաղպայմանագիրը» նաև պահանջում է Միրզոյանին հեռացնել ԱԳՆ նախարարի պաշտոնից, իսկ նրա փոխարեն նշանակել ավելի վստահելի մեկին։ Փաշինյանը առայժմ չի հեռացնում Արարատ Միրզոյանին՝ ձգտելով նրա միջոցով հակակշռել ռուսական ազդեցությանը, նաև կատարում է արևմտյան հիմնադրամների պահանջը, որոնք պահանջում են այդ պաշտոնում թողնել Արարատ Միրզոյանին ինչ-ինչ սեփական հարցերը Հայաստանի Հանրապետության հաշվին լուծելու համար։