Մարկովը բացատրել է, թե ինչու է Հայաստանը հայտնվել փակուղում
ՔԱՂԱՔԱԿԱՆՈՒԹՅՈՒՆ
Svpressa.ru–ն գրում է, որ ռուս քաղաքագետ, Քաղաքական հետազոտությունների ինստիտուտի գլխավոր տնօրեն Սերգեյ Մարկովի կարծիքով Հայաստանում նկատվող բողոքի ցույցերը ղարաբաղյան երկրորդ պատերազմի հետևանքներն են, որում այդ երկիրը պարտվել է Ադրբեջանին։
Ինչպես ուշադրություն է հրավիրում Սերգեյ Մարկովը, այսօր Ադրբեջանն ունի բանակ, որը անշուշտ ավելի ուժեղ է, քան Հայաստանի բանակը։ Այդ իսկ պատճառով Բաքուն ճնշում է գործադրում Երևանի վրա պահանջելով կատարել 2020 թվականի նոյեմբերի 10-ի համաձայնագրի կետերը, որոնք երկրները ստորագրել են Ռուսաստանի միջնորդությամբ. «Այդ փաստաթղթում կան կետեր, որոնք Ադրբեջանն իսկապես ցանկանում է, որ Հայաստանը կատարի։ Նախ Ադրբեջանը պահանջում է Հայաստանից դուրս բերել իր բոլոր զինված ստորաբաժանումները Ղարաբաղի տարածքից»։
«svpressa»–ի զրուցակիցը հիշեցրել է, որ Ղարաբաղի տարածքի միայն 30 տոկոսն է մնացել Հայաստանի վերահսկողության տակ, և Ադրբեջանն արդեն խաղաղ կերպով է պահանջում դա էլ վերադարձնել Ադրբեջանի վերահսկողության տակ։
Քաղաքական հետազոտությունների ինստիտուտի գլխավոր տնօրենն ուշադրություն է հրավիրում այն փաստի վրա, որ Փաշինյանը պատրաստ է նման քայլի, քանի որ հասկանում է, որ Հայաստանը հիմա պայքարելու հնարավորություն չունի։ Բացի այդ, անհրաժեշտ է իրականացնել երկրների միջև սահմանագծում և սահմանազատում։ Սակայն հայ հասարակության մի մասը չի ցանկանում, որ դա տեղի ունենա։
«Փաշինյանն ասում է լավ, պետք է տարածքներ զիջել, սահմանազատել, սահմանագծելլ, բայց բնակչության մի մասը դեմ է դրան։ Ուստի Երևանում հիմա փորձում են փոթորիկ բարձրացնել։ Ընդ որում, բնակչությունը չի աջակցում ընդդիմությանը, որը պնդում է Փաշինյանի հրաժարականը։ Կարծում եմ, քանի որ ընդդիմությունը չունի քաղաքացիների մեծամասնության աջակցությունը, նրանք շարունակելու են վարչական շենքերի շրջափակումը, բայց ոչ մի արդյունքի չեն կարողանա հասնել։ Եվ ոչ մի արտաքին ուժ էլ նրանց չի աջակցում, ԱՄՆ-ը, քանի որ Հայաստանում հակափաշինյանական ընդդիմությունը ռուսամետ է, իսկ Ռուսաստանը, քանի որ չի ցանկանում ռեժիմի փոփոխություն, և բացի այդ, Մոսկվայի տեսանկյունից Փաշինյանը իրեն իդեալական է պահել այս տարվա հունվարի ղազախական ճգնաժամի ժամանակ։ Մի խոսքով, փակուղի է»,- ամփոփել է Սերգեյ Մարկովը։
Նյութը հրապարակման պատրաստեց Կամո Խաչիկյանը
