Մշակույթը՝ սահմանին. Նոյեմբերյանի մշակույթի կենտրոնի սաները տպավորել են երևանյան փառատոնի մասնակիցներին

Օրերս Առնո Բաբաջանյան համերգասրահում տեղի ունեցավ «ARTandSHOW» ընկերության տարեդարձին նվիրված միջոցառում-փառատոն, որին հրավիրված էին նաև Նոյեմբերյանի Համայնքի Մշակույթի Կենտրոնի «Վերածնունդ» պարային (գեղ. ղեկավար` Ինեսա Ասատրյան), և «Սինկոպա» վոկալ (գեղ. ղեկավար` Սոնա Ղարդյան) համույթները:

Միձոցառմանը Մշակույթի կենտրոնի սաները հանդես եկան տարբեր տարիքային խմբերով և առանձին մի քանի համարներով, ինչպես նաև՝ միասնական համարով.

«Մենք ամենաշատը միասնական ելույթին էինք սպասում՝ հուզված և սրտատրոփ: Իմ համույթի ամենափոքրիկները և վոկալ համույթը ներկայացրին «Ընկերություն» ստեղծագործությունը, որը տպավորեց բոլոր ներկաներին:

Գեղեցիկ տպավորությունների, տոնական օր ունենալու համար հոգաչափ շնորհակալ ենք Նոյեմբերյանի Մշակույթի կենտրոնին՝ ի դեմս տնօրեն Սոնյա Զուրաբյանի: Վստահ եմ՝ այս միջոցառումը փոքրիկները դեռ երկար կհիշեն»,- 1or.am-ի հետ զրույցում նշեց պարուսույց, դերասանուհի Ինեսա Աստրյանը:

Ելույթից հետո մասնակիցներին և գեղարվեստական ղեկավարներին հանձնվեցին յուրահատուկ պատվոգիր-հուշանվերներ: Փառատոնին աջակցելու համար հատուկ պատվոգիր տրվեց նաև Նոյեմբերյանի Մշակույթի Կենտրոնի տնօրեն Սոնյա Զուրաբյանին.

«Մեզ համար ամենակրևերը կենտրոնի սաների սաների բարձր տրամադրությունն ու մեծ ոգևորությունն են: Իսկ երբ մեր աշխատանքը գնահատվում ու խրախուսվում է, կրկնակի հաճելի և պարտավորեցնող է:

Ուզում եմ առանձնահատուկ շնորհակալությունս հայտնել նաև համայնքապետարանին՝ մշտապես աջակցության, մեր անվտանգ և ուրախ երթևեկության համար»,- մեզ հետ զրույցում ասաց Զուրաբյանը: 

Մարիամ Նալբանդյան