ԱՀԿ-ն երկրներին հորդորում է առանց խղճի խայթի` հղիության ցանկացած պահի աբորտով սպանել մեր երեխաներին

ՀՀ «Մարդու վերարտադրողական առողջության և վերարտադրողական իրավունքների մասին» օրենքի համաձայն`յուրաքանչյուր կին ունի հղիության արհեստական ընդհատման (աբորտի) իրավունք: Հղիության արհեստական Մինչև 12 շաբաթական հղիության ժամկետը կատարվում է կնոջ գրավոր դիմումի համաձայն: Բժշկական ցուցումների դեպքում ընդհատումը մինչև 12 շաբաթական հղիության ժամկետը իրականացվում է կնոջ գրավոր համաձայնությամբ:

12-ից մինչև 22 շաբաթական հղիության ժամկետը կատարվում է բացառապես բժշկական (ներառյալ՝ սեռի հետ կապված հիվանդության ժառանգման հավանականության դեպքում) կամ սոցիալական ցուցումների առկայության դեպքում՝ կնոջ գրավոր համաձայնությամբ: Բժշկի կողմից բժշկական կամ սոցիալական ցուցումների` սույն հոդվածի 8-րդ մասով նախատեսված կարգով ընդունված ցանկում չնախատեսված որևէ այլ դեպքում, ներառյալ՝ սեռով պայմանավորված 12-ից մինչև 22 շաբաթական ընդհատումն արգելվում է:

Ամեն տարի աշխարհում կատարվում է մոտ 73 միլիոն աբորտ: Աբորտների մոտավորապես 45%-ն անվտանգ չէ, դրանց 97%-ը անցկացվում է զարգացող երկրներում։ Նախորդ ամիս Առողջապահության համաշխարհային կազմակերպությունը թարմացրել է հղիության արհեստական ​​ընդհատման ծառայությունների անվտանգության վերաբերյալ առաջարկությունները:

Նոր ուղեցույցի հեղինակները կոչ են արել վերացնել օրինական խոչընդոտները նրանց համար, ովքեր ցանկանում են աբորտ անել, ներառյալ՝ աբորտի քրեականացումը, պարտադիր սպասման ժամկետները կամ ընտանիքի անդամներից թույլտվություն ստանալու անհրաժեշտությունը: Նման խոչընդոտների պատճառով, ըստ ԱՀԿ-ի, կանայք ստիպված են հետաձգել ընթացակարգը, ինչը մեծացնում է ռիսկը.

«Ես եկեղեցու ունունից պաշտոնապես չեմ կարող խոսել, բայց աբորտը մեղք է ըստ քրիստոնեության: Ըստ հարկի՝ ամեն կիրակի քարոզներ են լինում, ամեն քահանա ինքը գիտի՝ երբ ու ինչպես խոսի այս թեմայով:

ԱՀԿ-ն երկրներին հորդորում է առանց խղճի խայթի աբորտով սպանել մեր երեխաներին, այն էլ հղիության ցանկացած պահի՝ ընդհուպ մինչև ծննդաբերության ժամը: Ես այսպիսի չարություն չեմ տեսել: Նրանք հորդորում են կառավարություններին վերացնել բոլոր օրենքները, որոնք սահմանափակում են աբորտները: Իրենց հորդորով կինը ամուսնուց չպիտի հարցնի, աբորտ անի՞ իրենց երեխային, թե՞ ոչ: Ըստ նրանց՝ կինը հղիության որ ամսին էլ ուզենա պիտի կարողանա աբորտ անել ու սպանել իր երեխային: Պատկերացնում եք, չէ՞,  թե սա ինչ մեղք է»,- 1or.am-ի հետ զրույցում նշում է ԱՄՆ-ի Արևելյան թեմում Հայ Առաքելական եկեղեցու կիսասարկավագ Արմեն Հարեյանը:

Հարեյանի պնդմամբ՝ շատ շուտով մեր երկրին էլ են ստիպելու, որ որ այսպիսի օրենքներ ընդունեն:

Մարիամ Նալբանդյան