Ռուսաստանն ու Ադրբեջանը դաշնակիցներ են. իդեալական դասավորություն Բաքվի համար, որ վերջնականապես «լուծի» Արցախի հարցը
ՀԱՍԱՐԱԿՈՒԹՅՈՒՆ
infoteka24.ru–ն գրում է, որ Արցախի ներկայիս «աննշան» դեպքերը լավագույն պատասխանն են այն բազմաթիվ մարդկանց տարակուսանքի կամ նույնիսկ զայրույթի, ովքեր չեն հասկանում, թե ինչո՞ւ Հայաստանը պետք է չեզոք մնա Ռուսաստանի և Ուկրաինայի միջև պատերազմում։ Այս մասին հեռագրային իր ալիքում գրել է լրագրող և քաղաքագետ Էռնեստ Վարդանյանը։
«Սլավոնական եղբայրասպանության քողի տակ Աբշերոնը համարել է, որ ճիշտ պահն է եկել Ռուսաստանի լուռ համաձայնությամբ իր հարցերը «լուծելու»։
Փաստորեն, դա սկսվել է անմիջապես՝ 2020 թվականի նոյեմբերից, երբ Բաքուն, խախտելով եռակողմ հայտարարության հենց առաջին պարբերությունը, գրավեց Հադրութի շրջանի վերջին գյուղերը։ Ռուսաստանը լռում էր: Գրեթե մեկուկես տարի անց էլ Ադրբեջանը չի արտահանձնել բոլոր հայ պատանդներին խախտելով ևս մեկ կետ։ Ռուսաստանը լռում է: Ադրբեջանը ականապատ դաշտերի քարտեզների չճշտված պահանջ է ներկայացրել: Ռուսաստանը լռել է: Գրեթե մեկ տարի է անցել Հայաստանի ինքնիշխան տարածք ադրբեջանական զորքերի ներխուժումից: Ռուսաստանն ու ՀԱՊԿ-ը «հավասարահեռավորություն ունեն»։
Հիմա Ռուսաստանն ու Ադրբեջանը դաշնակիցներ են։ Իդեալական դասավորություն Բաքվի համար վերջնականապես «լուծելու» Արցախի հարցը: Եվ այդ ամենին եկել է լրացնելու պատերազմը: Ուկրաինան Հայաստանի նկատմամբ իրեն պահում է այնպես, ինչպես միշտ, և դժվար թե այլ կերպ լինի։ Բայց այն, ինչ գրել եմ, հուսով եմ, բավարար բացատրություն է, թե ինչո՞ւ պետք է չեզոքություն պահպանել»,- գրել է Վարդանյանը։
Նյութը հրապարակման պատրաստեց Կամո Խաչիկյանը
