Պատվաստումային զբոսաշրջություն. որտեղ է այժմ ամենահեշտը կովիդի դեմ արտասահմանյան պատվաստանյութ ստանալու համար
ՀԱՍԱՐԱԿՈՒԹՅՈՒՆ
bfm.ru-ն գրում է, որ Եվրամիությունը չի շտապում ճանաչել ռուսական պատվաստանյութերը, և հաճախ ճանապարհորդները մտածում են պատվաստումների եվրոպական վկայական ստանալու մասին։ bfm.ru-ը պարզել է, թե ռուսաստանցիները առանց որևէ խնդրի ԵՄ-ում գտնվելու համար որտե՞ղ և ի՞նչով կարող են պատվաստվել արտերկրում:
Փոխվարչապետ Գոլիկովան ասել է. «Արտասահմանում օտարերկրյա պատվաստանյութեր ստացած ռուսները նույնպես կկարողանան QR կոդ թողարկել»: Ավելին, հանրային ծառայությունների պորտալը տեխնիկապես կկարողանա նման վկայականներ տրամադրել առանց բժշկի գնալու, պարզապես անհրաժեշտ է հակամարմինների թեստ հանձնելով հավատարմագրված լաբորատորիաներում։
Պատվաստումային զբոսաշրջության համեմատաբար նոր և տարածված տարբերակներն են Բելառուսն ու Հայաստանը։ Տոմսերի արժեքը Երևան և հակառակ ուղղությամբ մեկ անձի համար 16 հազար ռուբլի է, ճանապարհորդության նվազագույն բյուջեն 20 հազար, ծախսված ժամանակը հինգ օր։ Կարելի է և՛ երկիրը տեսնել և՛ պատվաստվել: Պատվաստանյութերի ընտրություն է Moderna, AstraZeneca, չինական CoronaVac և Sinopharm: Օտարերկրացիները պատվաստվում են անվճար, բայց ոչ բոլոր Երևանի պոլիկլինիկաներում: Հոկտեմբերի վերջին Եվրամիությունը որոշել է ճանաչել Հայաստանի COVID-19 սերտիֆիկատները։ Եվրոպայում պատվաստման փաստաթղթերը վավերական են մեկ տարի։
Ինչ վերաբերում է Մինսկին, ապա այնտեղ կարելի է հասնել ավտոմեքենայով, ինքնաթիռով կամ գնացքով։ ԱՀԿ-ի կողմից ճանաչված դեղամիջոցներից այնտեղ կա միայն չինական Սինոֆարմ ընկերության VeroCell պատվաստանյութը: Բելառուսական լրատվամիջոցները հոկտեմբերին գրել էին, որ այդ պատվաստանյութի որոնումը կարող է վերածվել արկածի՝ այն ամենուր չէ հասանելի և ոչ միշտ է լինում: Մինսկի կենտրոնական շրջանային կլինիկական հիվանդանոցի կայքում կա գնացուցակ օտարերկրացիների համար. երկու ներարկման և տեղեկանքի համար պահանջվում է 250 բելառուսական ռուբլի՝ մոտ 7 հազար ռուսական ռուբլի։ Բացի դա հակասական տեղեկություններ կան այն մասին, թե արդյո՞ք բելառուսական փաստաթղթերը ճանաչված են ԵՄ-ում։ Բրիտանական կառավարության կայքում, օրինակ, ասվում է, որ բելառուսական վկայականները անցնում են։
Եվրոպական երկրներում սկզբում Սերբիան և Գերմանիան են եղել պատվաստումային զբոսաշրջության ամենահայտնի ուղղությունները: Այժմ Խորվաթիան է դարձել առաջատար։ Զագրեբում գրեթե բոլոր արտասահմանյան պատվաստանյութերը առկա են, օտարերկրացիների անվճար պատվաստման կետ կա հենց քաղաքի կենտրոնում։ Ձեզ անհրաժեշտ է միայն վիզա, որը կարժենա 80 եվրո:
Նյութը հրապարակման պատրաստեց Կամո Խաչիկյանը
