Հայաստանում բացատրել են թե ինչպես կարելի է պաշտպանել Ղարաբաղի հայկական տեղանունները Google Maps-ում
ՀԱՍԱՐԱԿՈՒԹՅՈՒՆ
rossaprimavera.ru-ն գրում է, որ Google-ը կարող է կատարել Բաքվի պահանջը և Արցախի (Ղարաբաղի) տեղանունները ցույց տալ այնպես, ինչպես դա ցանկանում է Ադրբեջանը, եթե հայկական կողմը չհակառակվի։ Այս մասին Sputnik Արմենիայի հետ զրույցում ասել է մեդիա փորձագետ Արթուր Պապյանը։
«Այժմ դժվար է խոսել այդ մասին, քանի որ մենք չգիտենք, թե ադրբեջանական կողմը ի՞նչ փաստարկներ է ներկայացրել Google-ին։ Բայց սա այն դեպքն է, երբ մեր ԱԳՆ-ն պետք է հակադրվի ադրբեջանական կողմին, մանավանդ, որ վերոնշյալ ընկերությունն աշխատում է բոլոր երկրների հետ»,- նշել է Պապիկյանը միաժամանակ կասկած հայտնելով իրադարձությունների նման զարգացման նկատմամբ։
Մեդիափորձագետը կարծում է, որ ավելի հավանական է, որ ԱՄՆ-ում Հայաստանի դեսպանատունը կամ հյուպատոսությունը կապ հաստատի Google-ի հետ։ Քանի որ հայկական սփյուռքը բավականին մեծ է, և քարտեզները նայելու են աշխարհով մեկ, Արցախի տարածքների հայկական անվանումների անհետացումը դժգոհություն կառաջացնի սփյուռքում ապրող հայերի մոտ։
«Google-ը բավականին լուրջ է վերաբերվում վիճելի դեպքերին: Ընկերությունը հրապարակել է իր քաղաքականության հայեցակարգը, այն թե ինչպես են գրում տեղանունները նման դեպքերում և ինչպես են վերաբերվում այդ դեպքերին։ Եթե տեղանունը վիճելի չէ, ապա ընդունվում են ՄԱԿ-ի կողմից հաստատված քարտեզները, իսկ վիճելի դեպքերում հատուկ նշումներ են արվում, օրինակ՝ եզրագիծը նշվում է կետագծով»,- ասել է փորձագետը հիշեցնելով, որ Արցախի տարածքը. միջազգային հակամարտությունների գոտի է։
Հիշեցնենք, որ դեկտեմբերի 23-ին հայտնի է դարձել, որ Ադրբեջանի ԱԳՆ-ն պաշտոնական դիվանագիտական ուղիներով դիմել է Google-ին խնդրելով հրաժարվել Բաքվի վերահսկողության տակ գտնվող Ղարաբաղի տարածքների հայերեն անվանումներից։ Ներկայումս Google Maps հավելվածում Ադրբեջանի վերահսկողության տակ գտնվող Ղարաբաղի քաղաքների և շրջանների անունները նշված են ադրբեջաներեն և հայերեն լեզուներով։
Նյութը հրապարակման պատրաստեց Կամո Խաչիկյանը
