Հնդկաստանում կամրջից ավտոբուս է ընկել. մահացել է 18 մարդ
ՄԻՋԱԶԳԱՅԻՆՀնդկաստանի արեւելքում ավտոբուսն ընկել է կամրջից, որի հետեւանքով մահացել է առնվազն 18 մարդ եւս 30-ը վիրավորվել է, հաղորդում է «Սինհուան»:
Միջադեպը տեղի է ունեցել երկրի արեւելքում Անգուլի շրջանում: Ավտոբուսն անդունդն է ընկել Մինիտրի կամրջից, 15 մետր բարձրությունից: Պատճառն այն է, որ վարարոդը կորցրել է մեքենայի ղեկավարումը:
Ավտոբուսում այդ պահին 50 ուղեւոր է եղել: Փրկարարները դեպքի վայրից 18 մարմին են դուրս բերել: 30 վիրավորներին տեղափոխել են հիվանդանոց: Փրկարարական աշխատանքները շարունակվում են: