Պուտինը և Ալիևը հեռախոսազրույց են ունեցել. ինչ են քննարկել

Ռուսաստանի նախագահ Վլադիմիր Պուտինը և նրա ադրբեջանցի գործընկեր Իլհամ Ալիևը հեռախոսազրույցում հաստատել են երկու երկրների խորհրդարանների միջև ակտիվ և կառուցողական համագործակցության կարևորությունը: Երկուշաբթի  օրը, Կրեմլի մամուլի ծառայության փոխանցմամբ, Ալիևը շնորհավորել է Պուտինին Պետդումայի հաջող ընտրությունների կապակցությամբ:

«Երկու կողմերն էլ վերահաստատեցին երկու երկրների խորհրդարանների միջև ակտիվ և կառուցողական համագործակցության շարունակման կարևորությունը», - ասվում է ուղերձում:

Ալիևը նաև ցավակցություն է հայտնել Պերմի պետական համալսարանում տեղի ունեցած միջադեպի կապակցությամբ:

Կողմերը պայմանավորվել են հետագա անձնական շփումների վերաբերյալ: