ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ


Այս քաղաքականությունը ո՛չ ընդունելի է, ո՛չ էլ՝ ճիշտ

ՔԱՂԱՔԱԿԱՆՈՒԹՅՈՒՆ

Երեկ սահմանային լարվածության վերաբերյալ պաշտպանության նախարարության տարածած հայտարարության մեջ ասվում էր, որ Ադրբեջանը Մոսկվայում նախատեսվող բանակցություններից առաջ «նախահարձակ մարտական գործողություններ է սկսել ՀՀ-ի սահմանների վրա՝ Սոթքից մինչև Վերին Շորժա հատվածում»։

Այս թեմայով զրուցել ենք քաղաքագետ Բենիամին Պողոսյանի հետ։

Հարցին, թե ինչ բանակցությունների մասին է խոսքը` քաղաքագետը ասել է․ «Ձեր հարցին, բացի բարձրաստիճան ղեկավարությունից, ոչ ոք չի կարող պատասխանել, որովհետև որևէ մեկը չգիտի, թե ի՞նչ բանակցություններ էին նախատեսված Մոսկվայում, ովքե՞ր էին մասնակցելու, ի՞նչ հարցեր էին քննարկվելու։ Մենք դրա մասին իմանում ենք միայն երեկ առավոտյան։ Հարց է առաջանում, որ եթե Ադրբեջանը չսրեր իրավիճակը, փաստորեն բանակցությունները տեղի էին ունենալու և այդ մասին որևէ մեկը չէր իմանա կամ իմանալու էր միայն պոստ ֆակտում։ Քանի որ զրո տեղեկույթ կա այդ բանակցությունների մասով, ուղղակի անհնար է մեկնաբանել, թե այն, ինչ Ադրբեջանն անում է, կապվա՞ծ է այդ բանակցությունների հետ և եթե կապված է՝ ինչու՞։ Այսինքն՝ ենթադրվում է, որ բանակցությունների սեղանին դրված փաստաթուղթը Ադրբեջանին չի՞ գոհացնում, դրա համար է ինքը այս սադրանքին գնում, թե՞ ընդհակառակը՝ դա չի գոհացնում Հայաստանին և սրանով Ադրբեջանը ճնշում է գործադրում Հայաստանի վրա»։

Անդրադառնալով այն հարցին, թե արդյոք նորմալ է, որ նախատեսվում է բանակցություն, որի մասին հանրությունը տեղյակ չէ, քաղաքագետը պատասխանել է․ «Բնականաբար, դիվանագիտության մեջ միշտ էլ եղել է այդ կոնֆիդենցիալության սկզբունքը, սակայն առնվազն հանրությունը, քաղաքական-վերլուծական շրջանակները պետք է իմանան, որ սպասվում են բանակցություններ, որովհետև այս պայմաններում, եթե բացարձակ ոչինչ հայտնի չէ, անհասկանալի իրավիճակ է ու կարծես թե, մենք մոտենում ենք նոյեմբերի 9-10-ին։ Բոլորս ենք հասկանում, որ այդ հայտարարությունը 30 րոպեում չի գրվել. պարզ է, որ ընթացել են քննարկումներ, որոնց մասին ոչ ոք ոչինչ չգիտեր և միայն ստորագրումից հետո տեղեկացանք։ Իսկ սա ո՛չ ընդունելի, ո՛չ էլ ճիշտ քաղաքականություն է»։

Սոնա Գիշյան

www.1or.am 

Historical Dates ՊԱՏՄՈՒԹՅԱՆ ԱՅՍ ՕՐԸ
Most Popular