Կանենք ամեն ինչ ակնկալիքներն արդարացնելու համար եւ միասին կկառուցենք Հայաստանը, որի մասին երազում ենք. Ռոբերտ Քոչարյան

Կանենք ամեն ինչ ակնկալիքներն արդարացնելու համար եւ միասին կկառուցենք Հայաստանը, որի մասին երազում ենք: Այդ մասին հայտարարել է «Հայաստան» դաշինքի առաջնորդ, ՀՀ վարչապետի թեկնածու Ռոբերտ Քոչարյանը հունիսի 18-ին Հանրապետության հրապարակում դաշինքի հանրահավաքի ժամանակ:

Հիշեցնեմ ձեզ: Երբ դատարանի առջեւ հավաքվել էին իմ կողմնակիցները, հակառակորդներն ասում էին՝ «պիցցայակերներն են եկել»: Այժմ նայում եւ մտածում եմ, որ Հայաստանում, ինչպես նաեւ ամբողջ Հարավային Կովկասում կա բավականաչափ պիցցա այսքան ժողովրդին կերակրելու համար:

Այսօր քարոզարշավի վերջին օրն է: Իմ գործընկերներն արդեն ասել են, որ մենք եղել են բոլոր մարզերում, քաղաքներում, բազմաթիվ գյուղերում: Այժմ մենք ավելի լավ գիտենք՝ ինչպես եք դուք ապրում, ինչի կարիքն ունեք, ինչպիսի խնդիրներ են ծառացած մեր երկրի առջեւ: Ես երախտապարտ եմ ձեզ, ովքեր հանդիպել են մեզ հետ, օգնել ավելի լավ հասկանալ՝ ինչ է կատարվում եւ ոգեշնչել են մեզ պայքարում: Շնոհրակալություն ձեզ: Սակայն կարեւոր է փաստել՝ մենք սկսել ենք քարոզարշավով, կավարտենք հաղթանակած քայլերթով:

Սակայն մենք նաեւ հասկացել ենք, որ սա իշխանության համար պայքար չէ: Սա պայքար է ժողովրդին պետականությունը վերադարձնելու համար: Երկրի առջեւ ծառացած է 4 հիմնական խնդիր. 1. երկրի պաշտպանությունն ու սահմանների վերադարձը, 2. Ղարաբաղի ապագան, 3. տնտեսական վիճակը, գործազրկությունը, աղքատությունն ու միգրացիան, 4. Ներքաղաքական գերլարված մթնոլորտը, ատելությունը: Եւ այս իշխանությունն իր վիճակի չէ լուծել այդ խնդիրները, քանի որ նրանք ինքներն են ստեղծել այդ խնդիրներն ու սնվում են դրանցով առ այսօր: Սա ընտրություն է տնտեսական աճի եւ խորացված տնտեսական ճգնաժամի միջեւ, ընտրություն է հանդուրժողականության եւ ատելության միջեւ: Մենք մերժում ենք բոլոր երեւույթները, որոնք հանգեցրել են այս տխուր իրավիճակին:

Մենք այն թիմն ենք, որն ի տարբերություն ներկայիս քաղաքական ղեկավարության՝ ունի փորձ, գիտելիքներ, վճռականություն եւ կամք: Այսօր քաղաքական վերնախավը պիտանի է միայն վատ օրինակ լինելու համար: Վստահեք մեզ, տվեք մեզ հնարավորություն պատասխանատվություն ստանձնել երկրի ապագայի համար, առաջ մղել այն բոլոր ուղղություններով, վերականգնել բանակի հզորությունն ու վերածնել տնտեսությունը, լինել կառավարություն, ղեկավարություն, վարչապետ, անվանեք ինչպես ցանկանում եք, բոլոր, ոչ միայն «յուրայինների» համար: Դա մեր նպատակն է:

Այսպիսով՝ հունիսի 20-ին համար 24-ը: Բոլորս միասին պայքարում ենք մեր ձայնի համար: Սակայն ոչ միայն քվեարկության ժամանակ, այլ նաեւ դրանից հետո՝ ապահովելու հերթապահություն ամբողջ գիշեր, որպեսզի չգողանան մեր ձայները, քանի որ այդ սրիկաներն ընդունակ են ամեն ինչի:

Բոլորս միասին դեպի ուժեղ Հայաստան: Ամեն ինչ լավ կլինի»,-խոստացել է Ռոբերտ Քոչարյանը:

Ելույթից հետո հավաքվածներին երաժշտական կոչով դիմել է հայտնի հայ երգչուհին եւ Քոչարյանի հարսը՝ Սիրուշոն:

Նայելով հրապարակում հավաքված հազարավոր մարդկանց՝ վարչապետի թեկնածուն նկատել է. «Բեմից այս պատկերը շատ տպավորիչ է: Եւ շատ պարտավորեցնող: Ես անգամ չգիտեմ՝ ինչպես վարվել՝ օր ու գիշեր միայն աշխատել: Կանենք ամեն ինչ, որպեսզի ձեր ակնկալիքներն արդարացնենք եւ միասին կկառուցենք Հայաստանը, որի մասին երազում ենք»: