ԱՄՆ-ն Ռուսաստանին իր թշնամին է հռչակել. Պուտին

ԱՄՆ-ը Ռուսաստանին հայտարարել է իր հակառակորդ և թշնամի դեռ 2017-ին և որոշել աջակցել Ռուսաստանի Դաշնությունում քաղաքական կազմակերպություններին: Այդ մասին հայտարարել է ՌԴ նախագահ Վլադիմիր Պուտինը ամերիկացի գործընկեր Ջո Բայդենի հետ բանակցություններից հետո կայացած մամուլի ասուլիսում:

«ԱՄՆ-ը Ռուսաստանին հայտարարեց իր թշնամի, հակառակորդ, իսկ Կոնգրեսը դա արեց 2017-ին: Միացյալ Նահանգների օրենսդրությունը մտցրել է դրույթներ այն մասին, որ ԱՄՆ-ն պետք է պահպանի ժողովրդավարական կառավարման կանոններն ու կարգը մեր երկրում և աջակցի քաղաքական կազմակերպություններին»,-ասել է Պուտինը: