Սյունիքում ամեն ինչ նորմալ է․ սահմանային ճշտումներ ամեն օր էլ կատարվում են․ փոխմարզպետ

Սյունիքում ամեն ինչ նորմալ է։ Այս մասին Tert.am-ի հետ զրույցում ասաց Սյունիքի փոխմարզպետ Կարո Ավանեսյանը։

««Ֆեյսբուք»–ում բոլոր գրածները սուտ են, այստեղ ամեն ինչ նորմալ է, ինչ ասել են, խաբել են»,-ասաց նա։

Հարցին՝ իսկ սահմանային ճշտումներ կատարվո՞ւմ են, փոխմարզպետն արձագանքեց՝ սահմանային ճշտումներ ամեն օր էլ կատարվում են։ Նա ընդգծեց՝ խուճապ չկա։

Հիշեցնենք՝ ՀՀ ՊՆ-ն հայտարարություն էր տարածել, որ մայիսի 12-ի վաղ առավոտյան ադրբեջանական զինուժը, «սահմանների ճշգրտման» հիմնավորմամբ, փորձել է որոշակի աշխատանքներ իրականացնել Սյունիքի սահմանային հատվածներից մեկում։ «Հայկական ստորաբաժանումների ձեռնարկած միջոցառումներից հետո ադրբեջանական զինվորականները դադարեցրել են այդ աշխատանքները։ Այս պահին ընթանում են բանակցություններ՝ ստեղծված իրավիճակը հարթելու ուղղությամբ»,-նշված էր ՊՆ հայտարարության մեջ: