Ադրբեջանը հերթական վարժանքները կանցկացնի

Ադրբեջանական բանակը մայիսի 16-ից զորավարժություններ կսկսի՝ տարբեր տեսակի զորքերի մասնակցությամբ: Այս մասին հայտնում են ադրբեջանական ԶԼՄ-ները՝ հղում անելով ՊՆ մամուլի ծառայությանը:

Զորավարժություններին կմասնակցեն անձնակազմ մինչեւ 15 000 անդամ, մինչեւ 300 միավոր տանկ եւ այլ զրահատեխնիկա, մինչեւ 400 հրթիռահրետանային համակարգեր, համազարկային կրակի հրթիռային համակարգեր, ականանետեր եւ հակատանկային միջոցներ, մինչեւ 50 միավոր ռազմական ավիացիա եւ տարբեր նշանակության անօդաչու թռչող սարքեր:

Զորավարժությունները կտեւեն մինչեւ մայիսի 20-ը: