Արցախյան պատերազմում զոհված ուսխորհրդական Գևորգ Արշակյանին ԵՊՀ ուսանողական խորհրդի ոսկե մեդալ է շնորհվել

Երևանի պետական համալսարանի ուսանողական խորհուրդը 27 տարեկան է:

Այս մասին հայտնում են ԵՊՀ ՈՒԽ-ից։

Ուսխորհրդի նախագահության որոշմամբ՝ ՈՒԽ 27-ամյակին Ուսանողական խորհրդի ոսկե մեդալ է շնորհվել 2020թ. Արցախյան երկրորդ պատերազմին մասնակցած և Շուշիի պաշտպանության համար հերոսաբար զոհված Գևորգ Արշակյանին։

Հիշեցնենք, որ Արցախի Հանրապետության նախագահ Արայիկ Հարությունյանի որոշմամբ, ԵՊՀ շրջանավարտ, ավագ լեյտենանտ Գևորգ Արշակյանը պարգևատրվել է «Մարտական խաչ» 1-ին աստիճանի շքանշանով։