Երկաթի պակաս. Ո՞ր ախտանշանների դեպքում կարելի է կասկածել այն
ՀԱՍԱՐԱԿՈՒԹՅՈՒՆԳլխացավերը, գունատ մաշկը, անկանոն սրտխփոցն ախտանշաններ են, որոնք կարող են վկայել անեմիայի մասին, որը պայմանավորված է երկաթի պակասով:
Երկաթի պակասը կարող է հանգեցնել անեմիայի, որի դեպքում արյան մեջ ընկնում է կարմիր արյունային գնդիկների՝ էրիտրոցիտների մակարդակը: Երկաթն անհրաժեշտ է հեմոգլոբինի արտադրության համար, որը սպիտակուց է, որն օգնում է էրիտրոցիտներին տեղափոխել թթվածինը:
Կարմիր արյունային մարմինները հարուստ են թթվածնով, որը դրանք կլանում են թոքերից եւ մատակարարում օրգաններին: Մեր օրգանիզմի յուրաքանչյուր բջջին անհրաժեշտ է թթվածին, եւ երբ այն պակասում է, մենք զգում ենք հոգնածություն, թուլություն եւ հեւոց:
Ո՞ր ախտանշանների դեպքում կարելի է կասկածել երկաթի պակաս կամ հեմոգլոբինի ցածր մակարդակ:
Այդ խնդիրները կարող են ի հայտ գալ հետեւյալ ախտանշաններով.
- Հոգնածություն;
- Թուլություն մարմնում կամ դրա առանձին մասերում;
- Գունատ կամ դեղնավուն մաշկ;
- Անկանոն սրտխփոց;
- Հեւոց;
- Գլխապտույտ կամ գիտակցության թեթեւ մթագնում;
- Ցավ կրծքավանդակում, մկանային ցավ;
- Սառը ձեռքեր եւ ոտքեր, ականջներ, քիթ;
- Կոտրվող եղունգներ, մազաթափություն;
- Բերանի անկյուններում ճաքեր;
- Այտուցված լեզու;
- Անհանգիստ ոտքերի համախտանիշ:
Եթե դուք նկատել եք այդ ախտանշանները, դա արդեն առիթ է բժիկի դիմելու համար: Երկաթ պարունակող սննդային հավելումներն ընդունելն ինքնուրույն՝ առանց բժշկի նշանակման, խորհուրդ չի տրվում, քանի որ այդ նյութի ավելցուկը նույնպես կարող է հանգեցնել լուրջ խնդիրների: