Բենզինի և դիզելային վառելիքի գներն աճել են

2021թ. մարտին փետրվարի համեմատ բենզինի և դիզելային վառելիքի գներն աճել են 8.2% և 11.2%-ով։

Այս մասին տեղեկանում ենք Վիճակագրական կոմիտեից՝ ուսումասիրելով Հայաստանի Հանրապետությունում 2021թ.հունվար-մարտ ամիսներին ներկայացված սպառողական գների ինդեքսը։

2021թ. մարտին 2020թ. մարտի համեմատ հանրապետությունում գրանցվել է բենզինի 4.9% գնաճ, իսկ դիզելային վառելիքի գները նվազել են 4.9%-ով: 2021թ. մարտին 2020թ. դեկտեմբերի համեմատ արձանագրվել է բենզինի և դիզելային վառելիքի համապատասխանաբար 14.0% և 18.1% գնաճ:

Բենզինի և դիզելային վառելիքի միջին ամսական գների փոփոխությունները 2018-2021թթ.