Ինչու է Թրամփ-Պուտին հանդիպման համար ընտրվել Ալյասկան. BILD
ՄԻՋԱԶԳԱՅԻՆ
ԱՄՆ նախագահ Դոնալդ Թրամփը ՌԴ նախագահ Վլադիմիր Պուտինին հրավիրել է հանդիպելու օգոստոսի 15-ին Ալյասկայում։ Ինչո՞ւ հենց այնտեղ՝ Ռուսական կայսրության նախկին տարածքում, գրում է գերմանական BILD-ը՝ ներկայացնելով տեղի ընտրության վերաբերյալ իր վերլուծությունը:
Լոգիստիկ առավելություն
Ալյասկայի ամենամեծ քաղաքը՝ Անքորիջը, գտնվում է Մոսկվայից 7,000 կմ և Վաշինգտոնից 5,500 կմ հեռավորության վրա, բայց այն ավելի մոտ է ԱՄՆ-ի և Ռուսաստանի մայրաքաղաքներին, քան մյուս հնարավոր այլընտրանքները: Բացի այդ, ԱՄՆ-ն և Ռուսաստանը բաժանող Բերինգի նեղուցին մոտ լինելը այն դարձնում է խորհրդանշականորեն հետաքրքիր վայր:
Թրամփի համար Ալյասկան նաև առավելություն ունի՝ թույլ տալով նրան անցկացնել «տնային միջոցառում»՝ համաշխարհային քաղաքական ազդեցությամ։
Անվտանգություն
Ալյասկան ընտրելու մեկ այլ պատճառ, հավանաբար, կապված է անվտանգության հետ։ Այն նոսր բնակեցված տարածք է՝ առանց մեգապոլիսների, որտեղ ձախակողմյան ակտիվիստներ և բողոքի ցույցեր չեն լինի։ Սակայն միևնույն ժամանակ կա անհրաժեշտ և կոմպակտ ենթակառուցվածք, և հնարավոր է զինվորականների և հատուկ ծառայությունների կողմից անվտանգության բարձր մակարդակի վերահսկողություն։
Միջազգային քրեական դատարանի իրավասության սահմաններից դուրս
Միացյալ Նահանգները, և, հետևաբար, Ալյասկան, Հաագայի Միջազգային քրեական դատարանի Հռոմի կանոնադրության կողմ չէ՝ ի տարբերություն 125 այլ պետությունների: Սա նշանակում է, որ Պուտինին ԱՄՆ տարածքում չի սպառնում կալանք Միջազգային քրեական դատարանի կողմից տրված օրդերի հիման վրա: Այսպիսով, հանդիպումը կարող է անցկացվել առանց միջազգային իրավունքը պաշտոնապես խախտելու:
