Մենք մեծ ակնկալիքներ ունենք այս խաղից. յուրահատուկ երեկո կարող է լինել․ Չավին՝ ՊՍԺ-ի դեմ խաղի մասին

«Բարսելոնայի» գլխավոր մարզիչ Չավին կիսվել է ֆրանսիական ՊՍԺ-ի հետ Չեմպիոնների լիգայի 1/4 եզրափակչի պատասխան խաղի սպասելիքներով։

«Սա կարող է մեծ հնարավորություն լինել բոլորիս համար: Մենք խաղում ենք տանը, թեև ոչ «Կամպ Նոուում»։ Լուիս Էնրիկեն ամեն ինչ կանի, նա կհետևի, որ իր թիմը ճնշում գործադրի մեր պաշտպանության գծի վրա։ Նա աշխարհի լավագույն մարզիչներից մեկն է, և ես տեսնում եմ, թե ինչ է դարձել ՊՍԺ-ն նրա գլխավորությամբ։

Մենք մեծ ակնկալիքներ ունենք այս խաղից։ Սա կարող է յուրահատուկ երեկո լինել»,- Չավիի խոսքերն է մեջբերում իսպանական AS առցանց հրատարակությունը։