Փաշինյանի գլխավորությամբ «ՔՊ» նիստ է տեղի ունեցել․ քննարկել են համայնքների ավագանիներում «ՔՊ» խմբակցությունների աշխատանքին առնչվող հարցեր
ՔԱՂԱՔԱԿԱՆՈՒԹՅՈՒՆ![Փաշինյանի գլխավորությամբ «ՔՊ» նիստ է տեղի ունեցել․ քննարկել են համայնքների ավագանիներում «ՔՊ» խմբակցությունների աշխատանքին առնչվող հարցեր](/timthumb.php?src=disc/02-04-24/0d24cbebba790cafa40a5ab00dbd356c.jpg&w=780)
Ապրիլի 2-ին տեղի է ունեցել «Քաղաքացիական պայմանագիր» կուսակցության Վարչության նիստ, որը վարել է Վարչության նախագահ, ՀՀ վարչապետ Նիկոլ Փաշինյանը։
Այս մասին հայտնում են մամուլի ծառայությունից։
Վարչության որոշմամբ Կուսակցության Տարածքային կազմակերպությունների խորհուրդներում սահմանվել է կանանց քվոտա՝ առնվազն 25%-ի չափով։
Քննարկվել են համայնքների ավագանիներում «Քաղաքացիական պայմանագիր» խմբակցությունների աշխատանքին առնչվող հարցեր։
Կուսակցության արտաքին կապերի պատասխանատու, ՀՀ աշխատանքի և սոցիալական հարցերի նախարար Նարեկ Մկրտչյանը Վարչությանը զեկուցել է ԱՄՆ-ում և Հնդկաստանում որպես Կուսակցության արտաքին կապերի պատասխանատու ունեցած աշխատանքային հանդիպումների և ձեռք բերված պայմանավորվածությունների մասին։