ԵԱՏՄ երկրները պետք է միասնական ճակատով դիմակայեն մարտահրավերներին և սպառնալիքներին․ Գոլովչենկո

Բելառուսի վարչապետ Ռոման Գոլովչենկոն Եվրասիական տնտեսական միության  երկրներին կոչ է արել միասնական ուժերով դիմակայել  նոր մարտահրավերներին և սպառնալիքներին,   որոնք առաջին հերթին կանգնած են Մինսկի ու Մոսկվայի առջև։

«Մենք պետք է միասնական ճակատով դիմակայենք այն մարտահրավերներին և սպառնալիքներին, որոնց այսօր բախվում են մեր պետությունները։ Մեր միությունը իսկապես տնտեսական է, բայց հենց տնտեսությունն է այսօր մեր երկրներին՝ առաջին հերթին՝ Ռուսաստանին ու Բելառուսին  հասցվող հարվածների ու սպառնալիքների թիրախում»,- ասել է Գոլովչենկոն՝ Եվրասիական տնտեսական հանձնաժողովի կոլեգիայի նախագահ Բակիտժան Սագինտաևի հետ հանդիպման ժամանակ։