Հայաստանից փորձել են մի քանի հազար դոլարի մաքսանենգ ոսկի տանել Վրաստան

Վրացի մաքսավորները կանխել են «Սադախլո» անցակետով Հայաստանից 16,7 հազար լարիի (մոտ 6,2 հազար դոլար) ոսկյա զարդերի մաքսանենգության փորձը։

Տեղեկությունը հայտնում է Sputnik Գրուզիան՝ հղում անելով եկամուտների ծառայությանը:

Զննության ժամանակ օտարերկրյա քաղաքացուց առգրավել են 171.1 գրամ ընդհանուր քաշով ոսկյա զարդեր: Թե որ երկրի քաղաքացի է սահմանախախտը, չի նշվում։

Օտարերկրացու գործն ուղարկվել է Ֆինանսների նախարարության քննչական ծառայություն՝ հետագա գործողությունների համար։