Մենք վճռական ենք մնում Իրանի գործողությունների դեմ պայքարելու համար ցանկացած քայլ ձեռնարկել. Բլինկեն

Մենք վճռական ենք մնում՝ անհրաժեշտ քայլեր ձեռնարկել Իրանի գործողությունների դեմ պայքարելու համար, որոնք խորապես ցավալի են և որոնք շատ այլ երկրներ դատապարտելի են համարում: Այս մասին այսօր լրագրողների հետ հանդիպման ժամանակ հայտարարեց ԱՄՆ պետքարտուղար Էնթոնի Բլինկենը։

«Միևնույն ժամանակ, երբ խոսքը վերաբերում է թերևս թիվ մեկ խնդիրներին, ինչպիսին է միջուկային ծրագիրը, մենք դեռ հավատում ենք, որ դիվանագիտությունը լավագույն միջոցն է կայուն արդյունավետ արդյունքի հասնելու համար, որը նախկինում ունեցել ենք… և մենք կշարունակենք հնարավորություններ փնտրել դրա համար»,- ասաց նա: