Ստեփանակերտ է տեղափոխվել մոտ 23 տոննա հայկական արտադրության ալյուր
ՔԱՂԱՔԱԿԱՆՈՒԹՅՈՒՆ![Ստեփանակերտ է տեղափոխվել մոտ 23 տոննա հայկական արտադրության ալյուր](/timthumb.php?src=disc/18-09-23/74387c913888a4433a80a5b077985c04.jpg&w=780)
Alphanews.am-ը գրում է.
Սեպտեմբերի 18-ին, Կարմիր խաչի միջազգային կոմիտեի Ստեփանակերտի գրասենյակի և Արցախում խաղաղապահ առաքելություն իրականացնող ռուսական զորախմբի հրամանատարության հետ ձեռք բերված պայմանավորվածության համաձայն, Բերձորի միջանցքով՝ Գորիս-Ստեփանակերտ մայրուղով, Ստեփանակերտ է տեղափոխվել մոտ 23 տոննա հայկական արտադրության ալյուր, իսկ Ակնա-Ստեփանակերտ ճանապարհով՝ արտասահմանյան (ռուսական, շվեյցարական) արտադրության բժշկական և հիգիենայի պարագաներ, որոնք փորձաքննությունից հետո կհատկացվեն համապատասխան գերատեսչություններին և կօգտագործվեն ըստ կարիքների:
Արցախի տեղեկատվական շտաբից տեղեկացնում են, որ մի քանի օր հետո կրկին նույն ուղղություններով ՌԴ Ռոստով քաղաքից բեռների տեղափոխում է նախատեսվում ԿԽՄԿ-ի մեքենաներով: Մանրամասները կներկայացվեն Արցախի հանրային հեռուստատեսության եթերում: