Պենտագոնը վաղաժամ է համարում Ուկրաինայի հակահարձակման արդյունքի կանխատեսումը

Դեռևս վաղ է կանխատեսել ուկրաինական ուժերի հնարավոր հակահարձակման արդյունքը, թեեւ ԱՄՆ-ն եւ նրա դաշնակիցները ամեն ինչ արել են նրանց ռազմական գործողություններին նախապատրաստելու համար: Այս մասին CNN-ին տված հարցազրույցում ասել է ԱՄՆ Զինված ուժերի շտաբերի պետերի կոմիտեի նախագահ, գեներալ Մարկ Միլին։

«Այժմ դեռ շատ վաղ է ասել, թե ինչ կլինի»,- ասել է նա՝ պատասխանելով այն հարցին, թե արդյոք ուկրաինական ուժերի գործողությունները հաջող կլինեն: «Ուկրաինացիները լավ են պատրաստված։ ԱՄՆ-ն եւ Եվրոպայում մեր դաշնակիցները հանդերձանք են տրամադրել, հետախուզական տեղեկություններ, նրանց աջակցելու համար»: