Ո՞վ է երգչուհի Բրյունետի հայրը և ի՞նչ առնչություն է ունեցել քրեական հեղինակություն «Երրորդմասցի Լյովիկի» սպանության գործի հետ

Hayastan.news-ին հայտնի է դարձել, որ երգչուհի Բրյունետը, որն այս տարի Հայաստանը ներկայացնում էր Եվրատեսիլում, Թիզ Կարեն անունով հայտնի Կարեն Երեմյանի դուստրն է։ Նա՝ Կարեն Երեմյանը, ՀՀԿ-ի օրոք Երևանի ավագանու՝ ՀՀԿ խմբակցության անդամ Արմեն Երեմյանի եղբայրն է։ Սակայն, Կարեն Երեմյանը հայտնի է քրեական հեղինակություն համարվող Լևոն Ղազարյանի՝ «Երրորդմասցի Լյովիկի» և նրա ընկերների սպանության գործով։

«Երրորդմասցի Լյովիկը», նրա երկու ընկերները՝ Մեսրոպ Նազարյանցը, Դրաստամատ Թադևոսյանը սպանվել են 2015 թվականի մարտի 4-ին՝ «Նուբարաշեն» ՔԿՀ-ի ավտոկայանատեղիի մոտակայքում:

2015-ի մարտին այդ գործով բերման էր ենթարկվել և երկու ամսով կալանավորվել Կարեն Երեմյանը։

Սակայն, Կարեն Երեմյանն այնուհետև ազատ է արձակվել, սպանությունների գործով դատապարտվել են «Գաստիկ» մականունով հայտնի Վահան Հակոբյանը, «Ծըգլ» մականունով հայտնի Սարգիս Գրիգորյանը և «Տլե» մականունով հայտնի Սարգիս Հախանումյանը։