Wildberries-ում զանգվածային գործադուլներ են

Մարտի 15-ին ռուսական օնլայն առևտրի հարթակ «Wildberries»-ի աշխատակիցները զանգվածային գործադուլ են սկսել մարտի 3-ից իրենց համար գործող տուգանքների համակարգի և ցածր աշխատավարձերի դեմ։ Որոշ շրջաններում, այդ թվում՝ Բառնաուլում, Եկատերինբուրգում, Բլագովեշչենսկում, Իրկուտսկի մարզում և Կուզբասում, պատվերի հավաքման կետերը չեն գործում: 

Աշխատակիցները ապրանքներ կընդունեն պահեստներից, բայց ծանրոցներ չեն թողարկի։ Նոր կանոնների համաձայն՝ շուկայի աշխատակիցներից պահվում է ապրանքի ամբողջ արժեքը, եթե գնորդը վերադարձնի անսարք կամ փոխարինված ապրանքը։ «Wildberries»-ի ներկայացուցիչը նախօրեին «Forbes»-ին հայտնել է, որ հանձնման կետերն աշխատում են սովորական ռեժիմով։ Մոսկվայի մարզի դատախազությունը «Wildberries»-ի նկատմամբ հետաքննություն է սկսել։