ՀՀ ԱԽ քարտուղարը Լիտվայի նախագահի խորհրդականին է ներկայացրել Արցախում իրավիճակը

ՀՀ ԱԽ քարտուղար Արմեն Գրիգորյանը ֆեյսբուքյան իր էջում գրել է․

«Հունվարի 25-ին հեռախոսազրույց եմ ունեցել Լիտվայի նախագահ Գիտանաս Նաուսեդայի Ազգային անվտանգության գծով գլխավոր խորհրդական Կեստուտիս Բուդրիսի հետ:

Գործընկերոջս եմ ներկայացրել Ադրբեջանի կողմից Լաչինի միջանցքի արգելափակման հետևանքով Լեռնային Ղարաբաղում ստեղծված իրավիճակը և օրեցօր վատթարացող հումանիտար ճգնաժամը։ Կարևորել եմ միջազգային հանրության արձագանքը՝ ստեղծված իրավիճակը հանգուցալուծելու գործում: Հեռախոսազրույցի ընթացքում քննարկել ենք նաև երկկողմ հետաքրքրություն ներկայացնող հարցեր»: