Բեռլինը որոշել է Leopard 2A6 տանկեր ուղարկել Կիև․ Spiegel

Գերմանիայի կանցլեր Օլաֆ Շոլցը որոշել է Ուկրաինային Leopard 2A6 մարտական ​​տանկեր մատակարարել, գրում է Spiegel ամսագիրը՝ հղում անելով իր աղբյուրներին։

Ըստ հրապարակման՝ խոսքը ռազմական մեքենաների առնվազն մեկ վաշտի մասին է։

Բացի այդ, ըստ հրապարակման, դաշնային կառավարությունը նախատեսում է արտահանման թույլտվություն տրամադրել այդ տանկերից ունեցող այլ պետություններին, այդ թվում՝ Լեհաստանին։

Ինչպես հայտնում է Sky News-ը, որը հղում է անում իր աղբյուրներին, ռազմական տեխնիկայի փոխանցման մասին որոշումը կարող է ընդունվել արդեն այս շաբաթ։