Գերմանիայի ԱԳ նախարարը ԵԽ նիստում անդրադարձել է Ադրբեջանի կողմից Լաչինի միջանցքի փակմանը

Գերմանիայի արտաքին գործերի նախարար Անալենա Բերբոքը Եվրոպայի խորհրդի նիստում անդրադարձել է Ադրբեջանի կողմից Լաչինի միջանցքի փակմանը։

«Մենք տեսնում ենք այլ տարածաշրջանային հակամարտություններ, որոնց վրա պետք է ուշադրություն դարձնել։ Նույն իրավիճակն է նաեւ Լաչինի միջանցքի շրջափակման դեպքում»,- ասել է նա։

Նախարարն ընդգծել է նաև Հայաստանում ԵՄ քաղաքացիական առաքելության կարևորությունը, հայտնում է ԵԽ-ում Հայաստանի պատվիրակությունը։