ՌԴ ԱԽ քարտուղարը և ՀԱՊԿ գլխավոր քարտուղարը քննարկել են ՀԱՊԿ սահմանների երկայնքով տիրող իրավիճակը

Ռուսաստանի Անվտանգության խորհուրդը պատրաստ է օգնել լուծել Հավաքական անվտանգության պայմանագրի կազմակերպության (ՀԱՊԿ) առջեւ ծառացած խնդիրները։ Այս մասին քննարկվել է Մոսկվայում ՌԴ Անվտանգության խորհրդի քարտուղար Նիկոլայ Պատրուշևի և ՀԱՊԿ գլխավոր քարտուղար Իմանգալի Տասմագամբետովի աշխատանքային հանդիպման ժամանակ, հայտնում է ԱԽ մամուլի ծառայությունը։

«Նիկոլայ Պատրուշևը շնորհավորել է Իմանգալի Տասմագամբետովին նշանակման կապակցությամբ, հաջողություն մաղթել գործունեության մեջ՝ ի շահ Հավաքական անվտանգության պայմանագրի կազմակերպության զարգացման, ինչպես նաև պատրաստակամություն հայտնել աջակցել ՀԱՊԿ քարտուղարության առջև ծառացած խնդիրների իրականացմանը», - ասված է հաղորդագրությունում։ 

Կողմերը քննարկել են մի շարք միջազգային խնդիրներ և մտքեր փոխանակել ՀԱՊԿ սահմանների երկայնքով տիրող իրավիճակի շուրջ։ Շեշտը դրվել է ՀԱՊԿ հեղինակության բարձրացման և այլ միջազգային կազմակերպությունների հետ նրա փոխգործակցության վրա։

Զրուցակիցներն ուշադրություն են դարձրել նաև ՀԱՊԿ անդամ երկրների ղեկավարների կողմից 2022թ. ընդունված որոշումների կատարմանը։