Երևանում առևանգել են ԱԳՆ աշխատակից, դիվանագետ կնոջը․ Aravot.am

Aravot.am-ի տեղեկություններով` օրերս առեւանգման դեպք է տեղի ունեցել Երեւանում։ Նոյեմբերի  28-ին մի կին ոստիկանությանն ահազանգել է, որ Մյասնիկյան պողոտայում երկու անհայտ տղամարդիկ առևանգել են մի աղջկա։ 

Պարզվել է, որ Երեւանի բնակիչ  Է.Խ.-ն իր երկու ընկերների հետ առևանգել է  Մ. Ա.-ին, ով ՀՀ ԱԳՆ դիվանագետ է։ Իրավապահների բացատրական աշխատանքի շնորհիվ կնոջն առեւանգած տղամարդն ինքնակամ ներկայացել է բաժին, իսկ կինը հաղորդում է ներկայացրել։ Ընթանում է նախաքննություն։