Մահացել է դերասան Քևին Քոնրոյը, նա մուլտսերիալում հնչյունավորել է Բեթմենին

Ամերիկացի դերասան Քևին Քոնրոյը, ով տարիներ շարունակ հնչյունավորել է «Բեթմեն» անիմացիոն սերիալի գլխավոր հերոսին, մահացել է հինգշաբթի օրը՝ 66 տարեկան հասակում, քաղցկեղի դեմ կարճատև պայքարից հետո։

«Նրան շատ կկարոտեն ոչ միայն սերիալի դերասանական կազմը, այլև նրա երկրպագուների լեգեոնն ամբողջ աշխարհում»,- գրել է դերասանի գործընկերուհի Դայան Պերշինգը Facebook-ի իր էջում: