Լավրովը գնահատել է Ռուսաստանի կողմից միջուկային զենքի կիրառման հնարավորությունը

ՌԴ ԱԳ նախարար Սերգեյ Լավրովը գնահատել է Ռուսաստանի կողմից միջուկային զենքի կիրառման հնարավորությունը, փոխանցում է «Lenta.ru»-ի թղթակիցը։ Նման հայտարարություն նա արել է ՄԱԿ-ի Գլխավոր ասամբլեայի 77-րդ նստաշրջանում ունեցած ելույթի ժամանակ։

Նա ընդգծել է, որ կա միջուկային անվտանգության դոկտրին, որում «բացարձակապես հստակ նշված է կիրառման դեպքը»։

Ավելի վաղ Լավրովը հերքել էր Ուկրաինայի նախագահ Վլադիմիր Զելենսկու խոսքերը հատուկ գործողության ընթացքում զանգվածային ոչնչացման միջուկային զենք կիրառելու Ռուսաստանի պատրաստակամության մասին։ Նախարարը պարզաբանել է, որ այս փուլում Մոսկվան դիտարկում է միայն սովորական սպառազինությունների կիրառման հնարավորությունը։