ՔԱՂԱՔԱԿԱՆՈՒԹՅՈՒՆ ՀԱՍԱՐԱԿՈՒԹՅՈՒՆ ՄՇԱԿՈՒՅԹ ՍՊՈՐՏ ՄԱՄՈՒԼԻ ՏԵՍՈՒԹՅՈՒՆ ՏՆՏԵՍՈՒԹՅՈՒՆ ՖՈՏՈ ՎԻԴԵՈ ՎԵՐԼՈՒԾՈՒԹՅՈՒՆՆԵՐ ՊԱՏՄՈՒԹՅԱՆ ԱՅՍ ՕՐԸ ՄԻՋԱԶԳԱՅԻՆ ԱՄԵՆԱԸՆԹԵՐՑՎԱԾ ԻՐԱՎՈՒՆՔ


Թումանյանական շնչով սիրելի ավանդույթը՝ նոր ոգով ու ակնկալիքներով. Նոյեմբերյանում երկրորդ անգամ կկայանա «Ջանգյուլում» փառատոնը

ՄՇԱԿՈՒՅԹ

Հուլիսի 23-24-ին` ավանդական Վարդավառի օրերին, Նոյեմբերյանի Շահրիգոլ կոչվող սարում երկրորդ անգամ կկայանա «Ջանգյուլում» փառատոնը։

Թումանյանական շնչով սիրելի ավանդույթը «Բերդավան» հիմնադրամի կողմից այս տարի կանցկացվի նոր ոգով ու նոր ակնկալիքներով.

«Մեր հիմնադրամն իր առջև նպատակ է դրել վերականգնել ու զարգացնել համայնքի կյանքն ու ակտիվությունը, նպաստել բարեկարգմանը։ Պահպանելով մեր գլխավոր նպատակը՝ որոշեցինք այս տարի արդեն երկրորդ անգամ իրականացնել նոյեմբերյանցիների ամենասիրելի ավանդույթներից մեկը՝ Վարդավառի տոների Ջանգյուլումը։

Մենք ցանկանում ենք Նոյեմբերյան աշխարհին հետ բերել միշտ սպասված տոնակատարությունը՝ իր ողջ մանրամասնությամբ ու հմայքով, վերականգնել ու պահպանել մեր ավանդույթները»,- 1or.am-ի հետ զրույցում նշում է «Բերդավան» հիմնադրամի խորհրդի անդամ, «Ջանգյուլում» փառատոնի կազմակերպիչներից Գոհար Ասլիկյանը:

Երգ ու պար, ուրախ խաղեր ու ժամանց, բնություն ու ակտիվ հանգիստ: Փառատոնին  կմասնակցեն երգի-պարի ազգագրական խմբեր Վրաստանից և Երևանից, ինչպես նաև՝ տեղի մշակութային խմբերը: Կազմակերպչական թիմը ամբողջությամբ կամավորներ են, աշխատանքն իրականացվելու է թիմային բաժանումներով՝ ավելի արդյունավետ աշխատելու համար:

Նախորդ տարի «Ջանգյուլում»-ն ավելի քան 200 մասնակից է ունեցել: Գոհարի խոսքով՝ այս տարի արդեն ավելի շատ մասնակիցների են սպասում, քանի որ բոլորը խոստացել են վերադառնալ՝ ավելի մեծ խմբով.

«Նախորդ տարվանից արձագանքներն իսկապես անսպասելի շատ դրական էին, նույնիսկ անձրևային եղանակն ու ֆորսմաժորային իրավիճակները՝ եղանակով պայմանավորված, չխոչընդոտեցին ամբողջ ընթացքը։ 

Այս պահին առաջարկվող փաթեթների մշակման փուլում ենք, թե ինչպես պետք է մասնակցել փառատոնին։ Կլինի հիմնադրամին նվիրատվությունով, և փառատոնից գոյացած գումարը կծառայի հստակ նպատակի, որի մասին առաջիկայում կխոսենք:  
Ինչպես անցած տարի, այս տարի էլ կունենանք հովանավոր գործընկերներ՝ «Դարոյինք» ՍՊԸ-ն, Արզնին, և բազմաթիվ անհատներ»: 
 
Հավելենք, որ փառատոնին մասնակցելու համար անհրաժեշտ է գրանցվել նախապես: Գրանցվելու կարգին վերաբերող մանրամասներին կարող եք ծանոթանալ «Բերդավան» հիմնադրամի ֆեյսբուքյան էջում:
 
Մարիամ Նալբանդյան
Historical Dates ՊԱՏՄՈՒԹՅԱՆ ԱՅՍ ՕՐԸ
Most Popular