Զավեն Անդրիասյանը կորոնավիրուսի պատճառով չի շարունակի ելույթը Հայաստանի առաջնությունում

Հայաստանի շախմատի առաջնության մասնակից Զավեն Անդրիասյանը չի շարունակի ելույթն երկրի առաջնությունում:

«Արմենպրես»-ի հաղորդմամբ`  այս մասին հայտնում է գրոսմայստերը:

«Ցավով տեղեկացնում եմ, որ Covid-19-ի դրական թեստի պատճառով չեմ շարունակի ելույթս Հայաստանի առաջնությունում: Ես ինձ լավ եմ զգում, ոչ մի ախտանշան չունեմ: Շնորհակալ եմ մտահոգության և աջակցության համար»,-ֆեյսբուքյան իր էջում գրել է նա:

Հայաստանի շախմատի առաջնությունում մինչ այս կայացել է 7 տուր: Մրցաշարային աղյուսակի միանձնյա առաջատարը 5,5 միավորով Մանուէլ Պետրոսյանն է: