Մոսկվան անհանգստացած է հայ-ադրբեջանական սահմանին իրավիճակի սրմամբ. Զախարովա

Մոսկվան լրջորեն անհանգստացած է հայ-ադրբեջանական սահմանին հերթական անգամ իրավիճակի սրմամբ և կոչ է անում զերծ մնալ ուժային մեթոդներից։

«Պետք է գործել բացառապես քաղաքական-դիվանագիտական ​​ճանապարհով»,- հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՏԱՍՍ-ը։

Նա սրացումներից խուսափելու հիմնական միջոց է անվանել  սահմանազատման գործընթացի մեկնարկը դրան հաջորդող  սահմանագծմամբ․ այդ հարցում Ռուսաստանը պատրաստ է համակողմանի օգնություն ցուցաբերել։

Աղբյուրը նաև հիշեցնում է, որ Գեղարքունիքի մարզի արևելյան հատվածում հունվարի 11-ի փոխհրաձգության հետևանքով 3 հայ զինծառայող է զոհվել։