Ոստիկանները ավագանու ընդդիմադիր անդամներին Վարդենիսի համայնքապետարանի շենքից բերման ենթարկեցին

Վարդենիսի համայնքապետարանի շենքից քիչ առաջ ոստիկանները բերման ենթարկեցին ավագանու ընդդիմադիր անդամներին։

Ոստիկանները որեւէ հիմք չներկայացրին բերման ենթարկելուց առաջ։

Փաստաբան Վարազդատ Հարությունյանը լրագրողների հետ զրույցում նշեց, որ ավագանու անդամների այս բերման ենթարկելը ոչ իրավաչափ է.

«Ոստիկանապետը հրաժարվում է որեւէ իրավական հիմք ներկայացնել բերման ենթարկելու։ Հրաժարվում է որեւէ պատճառաբանություն ներկայացնի։ Սա բացառապես ոչ իրավաչափ գործողություն է։ Նրանց նպատակը ավագանու նիստը խափանելն է»,- նշեց նա։