Հունվարի 1-ից արտասահմանցիները կարող են արտաքսվել ՌԴ-ից անօրինական աշխատանքային գործունեության պատճառով
ՄԻՋԱԶԳԱՅԻՆ
2022 թվականի հունվարի 1-ից արտասահմանցի քաղաքացիները կարող են արտաքսվել Ռուսաստանից անօրինական աշխատանքային գործունեության պատճառով, նրանց գործատուները ևս կարող են տուգանվել մինչև 800 000 ռուբլու չափով՝ յուրաքանչյուր աշխատակցի համար: Ինչպես փոխանցում է Life.ru-ն, այս մասին հայտնել է ՌԴ ՆԳՆ-ն:
«Անօրինական աշխատանքային գործունեության համար տուգանքներից բացի (մինչև 5000 ռուբլու չափով) արտասահմանցիների նկատմամբ կարող են կիրառվել նաև այլ միջոցներ՝ կապված Ռուսաստանից արտաքսելու և վերադարձն արգելելու հետ: Արտասահմանցիներին անօրինական ճանապարհով աշխատանքի ներգրավելու համար գործատուները կարող են տուգանվել մինչև 800 000 ռուբլու չափով՝ յուրաքանչյուր աշխատակցի համար»,- ասվում է գերատեսչության մամուլի հաղորդագրության մեջ:
Նախարարությունից հիշեցրել են, որ դեկտեմբերի 31-ին ավարտվում է ժամանակավոր միջոցառումների գործունեության ժամկետը, որոնք թույլ էին տալիս արտասահմանցիներին կարգավորել իրենք իրավական կարգավիճակը՝ առանց երկրից դուրս գալու:
