Որո՞նք են երեխաներ ունենալու համար ամենաանվտանգ երկրները
ՀԱՍԱՐԱԿՈՒԹՅՈՒՆ
e-news.com.ua-ն գրում է, որ ավելի քան 5,5 միլիոն երեխա է ծնվում և մահանում ամեն տարի առանց ծննդյան կամ մահվան վկայականի: Այս մասին գրել է բրիտանական «The Guardian» թերթը հղում անելով «The Lancet» ամսագրում հրապարակված նոր հետազոտությանը:
Ուսումնասիրությունը ներկայացնում է 195 երկրների տվյալների աղյուսակ, որոնք դասավորվել են ըստ ծնվելու համար առավել ամենաանվտանգ լինելու հերթականությամբ, ինչպես նաև հաշվի է առնված այն, թե որ երկրում երեխաները ամենաքիչ հավանականությունն ունեն ստանալ ծննդյան վկայական, և եկամուտների բարձր մակարդակ ունեցող երկրները, բայց ամենադանդաղ ծնելիության մակարդակով և նորածնային մահացության պայմաններով:
Սիերա Լեոնեն ամենավտանգավոր երկիրն է ծննդաբերության համար, քանի որ նորածինների մահացության մակարդակը կազմում է 49,5 հազար ծնունդների դեպքում: Նրան հաջորդում են Սոմալին, Գվինեա-Բիսաուն, Անգոլան, Լեսոտոն, Կոնգոյի Դեմոկրատական Հանրապետությունը, Պակիստանը, Մալին, Կենտրոնաֆրիկյան Հանրապետությունը, Կոտ դ'Իվուարը: Զեկույցում նշվում է, որ Հարավային Ասիան և Աֆրիկական Սահարայի տարածքները նորածինների մահացության ամենաբարձր բեռ ունեցող շրջաններն են, որոնց ցուցակը գլխավորում են Հնդկաստանը, Նիգերիան և Պակիստանը: Երեխաներ ունենալու տեսակետից ամենաանվտանգ երկրներն են Ճապոնիան, Սինգապուրը, Կիպրոսը, Էստոնիան, Ֆինլանդիան, Կորեան, Շվեդիան, Նորվեգիան և Պորտուգալիան:
Հայաստանը, մի շարք այլ երկրների հետ միասին, առաջատարն է նորածինների ծննդյան առաջին տարում գրանցման հարցում, ինչպես նաև ծննդաբերության ընթացքում հմուտ մանկաբարձական խնամքի առումով: Ինչ վերաբերում է նորածինների մահացությանը, ապա հազար կենդանի ծնունդների հաշվով Հայաստանը ցանկում 99 -րդն է` 10.1 մահացության ցուցանիշով:
Նյութը հրապարակման պատրաստեց Կամո Խաչիկյանը
