էրդողանը խոստովանել է, որ Թուրքիայի ռազմաօդային ուժերը հարվածներ են հասցրել Հայաստանի տարածքում
ՀԱՍԱՐԱԿՈՒԹՅՈՒՆ
free-news.su-ն գրում է, որ Թուրքիայի նախագահ Ռեջեփ Թայիփ Էրդողանը, ով ավելի վաղ կտրականապես հերքում էր Անկարայի մասնակցությունը Լեռնային Ղարաբաղի պատերազմին, հաստատել է ԼՂՀ-ի և Հայաստանի տարածքներին հասցված հարվածները: Նա ասել է, որ թուրք զինվորականները օգնելով Ադրբեջանին ազատագրել Երևանի գրաված տարածքները ներգրավված են եղել Ղարաբաղում ռազմական գործողություններին:
«Ինչպես Մանզկերտում (Մանազկերտ) հաղթանակը մեզ է պատկանում, այնպես էլ Ստամբուլի նվաճումը մեզ է պատկանում: Ինչպես մեզ է պատկանում Չանաքքալեն (Գալիպոլիի ճակատամարտը), այնպես էլ օգոստոսի 30 -ի հաղթանակը մերն է (Դումլուպինարի ճակատամարտ 08/30/1922): Ինչպես Կիպրոսում խաղաղապահ գործողությունը մեզ է պատկանում, այնպես էլ մեր հաղթանակն է հուլիսի 15 -ը (2016 թվականի հեղաշրջման փորձի օրը), և՛ Լիբիայում, և՛ Ղարաբաղում հաղթանակները մերն են: Ինչպես մենք չենք տարբերում պատմական գործիչներին, այնպես էլ չենք տարբերում մեր հաղթանակները», - ասել է Էրդողանը:
Դրանից մի փոքր ավելի շուտ Բաքվում «Մարտում աչքի ընկնելու համար» պետական շքանշաններ էին շնորհվել Թուրքիայի ռազմաօդային ուժերի F-16 կործանիչների այն օդաչուներին, որոնք զինված հակամարտության ժամանակ գտնվում էին Ադրբեջանում:
Ներկայումս չնայած հակամարտության կարգավորման խաղաղ պայմանագրի ստորագրմանը և Հայաստանի և Ադրբեջանի միջև տարածքային պահանջների կարգավորմանը, սահմանային գծում շարունակվում են զինված բախումները և փոխհրաձգությունները: Հարկ է նշել, որ Անկարան շարունակում է Բաքվին դրդել առճակատման հայտարարելով, որ անհրաժեշտության դեպքում ռազմական հակամարտության դեպքում կօգնի նրան:
Նյութը հրապարակման պատրաստեց Կամո Խաչիկյանը
