«Մանունյա» վեպի էկրանավորումը կցուցադրվի «Կինոտավր»-ում
ՀԱՍԱՐԱԿՈՒԹՅՈՒՆ
tass.ru-ն գրում է, որ «Մանունյա» բազմասերիալ արկածային կատակերգությունը, որը հիմնված է Նարինե Աբգարյանի համանուն բեսթսելլեր վեպի վրա, կցուցադրվի սեպտեմբերին Սոչիում կայանալիք «Կինոտավր» կինոփառատոնում, ինչպես նաև «Okko» առցանց կինոթատրոնում; Այդ մասին ՏԱՍՍ-ին հայտնել են «Okko»-ից:
«Մանունյա» բազմասերիալ գեղարվեստական ֆիլմի պրեմիերան կկայանա 32-րդ «Կինոտավր» բաց ռուսական կինոփառատոնի արտամրցութային ցուցադրությունների շրջանակներում, որը տեղի կունենա սեպտեմբերի 18-ից 25-ին Սոչիում: Սերիալը պատմում է 1980 -ականներին Հայաստանում ապրող տարբեր ազգությունների խորհրդային երկու ընտանիքի բարեկամության մասին: Ստեղծողների կարծիքով, «Մանունյա» -ն կատակերգական գեղարվեստական սերիալ է երեխաների, երիտասարդների և մեծահասակների համար, ովքեր «դիտավորյալ բաց են թողնում դուռը դեպի անցյալին, որպեսզի գոնե երբեմն կարողանան վերադառնալ այնտեղ»:
Համանուն գրքի ընդհանուր տպաքանակը, որի վրա նկարահանվել է ֆիլմը, գերազանցել է մեկ միլիոն օրինակը, դրա աուդիո տարբերակը Storytel սերվիսում լսումների և արձագանքների քանակի առումով ճանաչվել է երեխաների համար ամենահայտնի ստեղծագործությունը: Թարգմանությունների մեջ «Մանունյա» -ն զբաղեցրել է նաև գրքի ազգային բեսթսելլերների ցուցակների ամենաբարձր տեղերը: Այս վեպի համար Աբգարյանը դարձել է «Տարվա ձեռագիր» գրական մրցանակի դափնեկիր և առաջադրվել «Մեծ գիրք» մրցանակին: Գրքի հիման վրա բեմադրված ներկայացումները հաջողությամբ բեմադրվում են ռուսական թատրոններում: Սերիալը բաժանորդագրությամբ հասանելի կլինի «Okko» առցանց կինոթատրոնի գրանցված օգտատերերին 2021 թվականի վերջին:
Նյութը հրապարակման պատրաստեց Կամո Խաչիկյանը
