Ի՞նչ ախտանիշների դեպքում պետք է դիմել նյարդաբանի
ՀԱՍԱՐԱԿՈՒԹՅՈՒՆ
Նյարդաբանը զբաղվում է մի ամբողջ շարք հիվանդությունների բուժմամբ` էպիլեպսիայից եւ դեմենցիայից մինչեւ ցավային համախտանիշներ եւ ինսուլտներ:
Խորհուրդ է տրվում դիմել նյարդաբանի, եթե ձեր կամ ձեր մերձավորների մոտ նկատում եք հետեւյալ ախտանիշները.
- Պարբերաբար գլխացավեր՝ կարող են վկայել մի շարք հիվանդությունների մասին։
- Քրոնիկ ցավեր (օրինակ՝ պարանոցի կամ մեջքի ցավը), հատկապես, եթե սովորական միջոցները չեն օգնում դրանք հաղթահարել:
- Գլխապտույտ, ականջներում աղմուկ, հավասարակշռության խախտում:
- Վերջույթներում դող:
- Ուշաթափություններ:
- Մարմնի մի մասի թմրություն կամ ցավոտ ծակոց, հատկապես, եթե այն հայտնվել է մի կողմից կամ հանկարծակի է հայտնվել (սա կարող է լինել ինսուլտի նշան, որոշ դեպքերում՝ նաեւ ցրված սկլերոզի նշան):
- Տեսողության խանգարում, օրինակ՝ աչքերում երկվություն, տեսդաշտերի նեղացում:
- Շարժման խնդիրներ՝ տրեմոր (դող) եւ մարմնի ոչ կանխամտածված ջղաձգումներ, քստքստոցով քայլվածքի առաջացում, դժվարություն քայլելիս։
- Հիշողության խնդիրներ կամ գիտակցության խառնաշփոթ՝ հիշողության խանգարումը, անձի փոփոխությունը կամ բառերը շփոթելը կարող են Ալցհեյմերի հիվանդության նշաններ լինել:
- Քնի տեւողության կամ որակի խախտումներ՝ (օրինակ՝ անքնություն կամ մշտական քնկոտություն):
- Հիմնական գործառույթների` կուլ տալու, միզելու խախտում եւ դեֆեկացիա (մեզը կամ կղանքը չպահելը):
Ըստ մասնագետների, եթե այս ախտանիշները հանկարծակի են ի հայտ գալիս, ապա պետք է անհապաղ դիմել բժշկական օգնության, քանի որ դրանք կարող են խոսել ուղեղային արյունաշրջանառության խախատման մասին:
