Ռուսաստանն ու Ադրբեջանը նպատակ ունեն լայնացնել համատեղ տրանսպորտային նախագծերի շրջանակը
ՀԱՍԱՐԱԿՈՒԹՅՈՒՆ
rossaprimavera.ru-ն գրում է, որ Ռուսաստանը մտադիր է Ադրբեջանի հետ համագործակցությամբ ավելացնել բեռնափոխադրումների ծավալը: Այս մասին «Sputnik Ադրբեջան»-ին տված հարցազրույցում ասել է «Ռուսական երկաթուղիների լոգիստիկա» ընկերության գլխավոր տնօրեն Դմիտրի Մուրևը: Ըստ նրա այս հարցը քննարկվել է Բաքվում կայացած «Ադրբեջանի երկաթուղիներ», «Alliance Logistics» և «Ռուսական երկաթուղիների լոգիստիկա» ընկերությունների ներկայացուցիչների միջև հանդիպման ժամանակ:
Մուրավյովը կարևորել է երթևեկության ծավալների ավելացումը Թուրքիայի և Ադրբեջանի միջանցքով դեպի Ռուսաստան, ինչպես նաև հակառակ ուղղությամբ: Նա նշել է «Ադրբեջանի երկաթուղիներ»- ի հետ համագործակցության հաջողությունները:
«Թուրքիայից սարքավորումներով առաջին բեռնատար գնացքն է արդեն ժամանել Մոսկվայի մարզ», - ասել է «Ռուսական երկաթուղիներ լոգիստիկա» ընկերության գլխավոր տնօրենը:
Նա ասել է, որ Բաքու-Թբիլիսի-Կարս երթուղով ռուսական բեռնափոխադրումների ծավալն աճել է 11% -ով: Նշվել է նաև, որ 2021 թվականի առաջին եռամսյակում Հյուսիս-հարավ երթուղու ադրբեջանական հատվածով երթևեկությունն աճել է 23,5% -ով:
Հանդիպման ընթացքում կողմերը քննարկել են նաև բեռների լրացուցիչ ծավալներ ներգրավելու և փոխադրմանը խոչընդոտող պատնեշները վերացնելու մի շարք նախաձեռնություններ: Այդ նախաձեռնությունների մանրամասները չեն ներկայացվել:
Հիշեցնենք, որ նոյեմբերի 9-ին Ռուսաստանի, Հայաստանի և Ադրբեջանի ղեկավարները ստորագրել են համատեղ հայտարարություն Լեռնային Ղարաբաղում հրադադարի մասին, որտեղ 44 օր շարունակ կատաղի մարտեր էին ընթանում կապված Ադրբեջանի զինված ուժերի հարձակման հետ: Համաձայնագրի կետերից մեկը նախատեսում է տարածաշրջանում բոլոր տնտեսական և տրանսպորտային կապերի ապաշրջափակում:
Նյութը հրապարակման պատրաստեց Կամո Խաչիկյանը
